[人性] [感情事]我不會講你知，其實是第幾次: 小驚喜 (5)

"開門開門！" 

等左一陣，有個人打開左度門，係個呀嬸。 
"點解會咁架！"樂仔驚到退後左幾步。 

"個死仔唔係認真到真係搵個女人扮出軌呀？ 
但係係都唔好搵個呀嬸丫。好啦我就將計就計。"樂仔心諗。 

"你同我叫Hugo出黎！" 



"你說甚麼？你瘋了嗎我在睡覺，你吵醒了我，還莫名其妙說叫誰出來？你們香港人都是神經病的嗎？" 
普通話呀嬸用霸氣震懾左樂仔，之後就呯一聲關左門。 

正當樂仔同Candy都唔知咩事既時候， 
Stella係旁邊居然笑左出黎。 
我諗佢以為真係樂仔攪錯左，鬆左一口氣。 

同一時間，係走廊另一端唔係好遠，721號房門打開左。 
係入面既就係我。 



我一直心諗點解佢地攪咁耐都未到，就開門裝一裝。 
點知就俾我見到岩岩個幕。 
我真係俾樂仔激到爆炸。 
最重要既房號都攪錯？ 
如果開門真係有個靚女我咪水洗都唔清？！ 

我見呀嬸呯左門，就走出黎走廊向住樂仔講： 
"柒頭張曉樂。721呀唔係712呀！" 
Stella見到我，既驚且喜。 
驚既係佢唔知點解我真係係到，喜既係我自己走出黎，始乎係有d特別既原因。 


我走向佢，幫佢抺一抺面上既淚水。 

"傻妹，喊成咁。跟我黎。"我拖住佢，走進我精心佈置既721號房。 
佢見到我為佢準備既一切，可能同佢一路估既反差太大， 
佢攬住我忍唔住又喊左出黎，不過今次唔同既係： 
呢次，係幸福既淚水。