[人性] [感情事]我不會講你知，其實是第幾次: 因果

"係到呀，係喎！你考完試喇喎！" 

"係呀..冇呀想搵人傾下計之嘛。" 

"好呀，我最中意聽人講故仔。" 

我一五一十咁講哂俾火車姐姐聽。 

"嗯，我以女仔角度去諗就點都係你錯架喇。 
人地為左你做咁多野喎！俾我就唔制啦！ 


但係你連讚佢既一句說話都冇，點幫得你落呢。 
不過，我都明白你考試壓力好大。 
你女朋友仔咁considerate，佢又點會唔明呢？ 
女仔好易氹架咋。 
你準備份禮物，俾d誠意去氹番人啦！" 

"有冇計提供下呀？" 

"嘩！我幫你追埋佢好冇？ 
呢d野緊係自己諗架啦！" 



"好啦，多謝你！" 

同火車姐姐傾完之後，我就開始諗點樣可以氹番Stella。 
不如送花俾佢？我咁耐以黎連條草都冇送過俾佢。 
Stella有d咩中意架呢？ 
點解我好似連佢中意乜野都唔知架呢？ 

有人講過，We have the right love at the wrong time。 
又有人講過，當日種既因，今日得既果。 


就係我唔識珍惜，唔識考完試及時追番Stella。 
先會種下日後既果。 

原本，一段岩既愛情，出現係一個岩既時間。 
而家，一段岩既愛情，卻被我拖到一個錯既時空。