[人性] [感情事]我不會講你知，其實是第幾次: 尖沙咀海旁

尖沙咀海旁。 
Stella飲到醉醺醺。 
佢恨上天，點解要帶走佢最愛既媽媽。 
自小佢爸爸已經唔係到。 
一直以黎都係佢，姐姐同媽媽相依為命。 
由媽媽病發都離開人世，都只係唔夠一個月時間。 
點解唔可以俾佢好好孝順媽媽？ 

Stella恨Hugo。 
呢個口口聲聲話愛佢既男人， 


為左一件小事同佢冷戰，直到而家都未搵過佢。 
Hugo係最困難既時候，Stella願意默默支持佢。 
點解到到佢最需要呢個男人既時候，佢就消失？ 

Stella係到諗，Hugo仲憑乜野再值得自己咁愛佢？ 
Stella覺得好攰，佢好想合埋雙眼，乜都唔諗。 
佢只係需要一個膊頭，俾佢好好捱住。 
佢打俾Candy。 

"Candy呀。你覺得我地做人其實為左乜野？" 



"傻妹做咩冇啦啦咁問呀？你係邊到呀？" 

"我游緊水呀嘻嘻。" 

"夜媽媽游水？係呢，伯母佢...？" 

"佢唔要我喇...嗚嗚...嗚..." 

"你係邊到？我同樂仔而家黎陪你！" 



"我唔要你地呀！我都話我游緊水！拜拜！" 

Stella望住自己既電話，不自覺咁禁到去電話簿入面既 "Hugo<3"。 
佢不禁失笑，佢以後都唔想再見到呢個男人。 
佢Delete左佢既contact，再大大力掉左電話落海！ 

"我憎死你呀！呀！" 

樂仔同Candy估到Stella係海旁，因為佢每次有咩唔開心， 
都會去海旁吹下風。 
但，佢地知道今次對Stella打擊之大，佢地都無法想像。 
佢地趕到去，周圍搵Stella既身影。 

"有人跌左落海呀！" 有個男人大叫。