[人性] [感情事]我不會講你知，其實是第幾次: Stella媽媽

時間去到Hugo同Stella冷戰後十五日。 
Hugo埋頭苦幹咁溫緊書。 

另一邊廂，香港某醫院。 

"醫生！我媽媽點呀？佢點解會突然暈左架？！" Stella激動問醫生。 

"小姐，你冷靜d先。我地懷疑病人患左Cancer。" 

"點解會咁架？！我媽媽一直好健康架！醫生你要救佢呀！" 



"確實既結果都要等化驗報告出左先知道，不過以我咁多年經驗， 
你媽媽患上乳癌既機會率，係百份之九十五。 
而且，我諗發現得比較遲...病情已經唔係太受控。 
我地會盡我地最大既努力去救佢， 
但係都希望你地有心理準備。 
我估計，病人只係得番一個月命。" 

Stella呆呆咁跌左係地下，想忍住眼淚但係都係情不自禁。 
呢個時候，佢好想Hugo係身邊撐佢。 


佢打俾Hugo，但係冇人聽電話。 

接住落黎既三個星期，佢一直堅持每日都照顧住媽媽。 
佢仲同學校申請左暫時停學。 
希望係媽媽生命既最後時光，盡量陪住媽媽。 
Stella慢慢發現，原來愛情永遠比唔上親情。 
佢呢幾個星期，竟然漸漸放棄同Hugo復合既念頭。 
佢恨呢個男人，係佢人生低潮既時候，依然係冇出現。 
佢亦都對呢個男人漸漸死心。 



要走都係要走，Stella媽媽離開左人世。 
Stella以後淨係可以同姐姐相依為命。 

呢一晚，唔飲得酒既Stella，始乎飲左唔少。 
佢一個人呆坐係尖沙咀海旁。