[人性] [感情事]我不會講你知，其實是第幾次: Ada篇(8)

我感覺到有一班紅著眼既狼對我怒目而視。 

"仆街，唔關我事呀..."我心入面驚呼。 

"Hugo，咁Ada交俾你喇。"呀儀同我講。 

唔係呀嗎你做咩咁信我呀大佬？ 

"不如我地一齊送啦！一齊走安全d！" 餓狼A望住我講。 



你條友仔，即係暗示Ada同我走唔安全？ 
好明顯人地就係怕你地班狼，先攪到我咋喎。 
不過，我恨不得一齊走啦！ 

"嗯，我地一齊...."我未講完，Ada又出聲。 

"你地聽唔到我講咩呀？我都話我同Hugo走。 
你地煩唔煩呀死都要跟住黎？" 我忍唔住笑左，佢居然話人煩。 

"走喇走喇，我地唔好阻住佢地啦。" 有個男仔話中有話咁講。 



結果，班狼係唔情願之下走左。而我，又係唔情願之下，要送佢番屋企。 
不過，又談何容易呀？ 
原本以為佢好飲得，點知佢係比較遲鈍咋。 
而家先一次過發哂d酒氣出黎。 
走之前已經不醒人事。 

Ada連樓梯都落唔到，放軟哂手腳咁捱落我到。 
我冇辦法就唯有咩起佢啦。 
雖然我知道佢著住裙，咩住佢，佢一定會走光。 


但係佢訓鬼左，叫極都唔醒，我都唔顧得咁多。 
佢個頭捱左係我膊頭到，酒味同香水味撈埋左一齊。 
可能受酒精影響，我居然有少少情迷意亂。 

到左街上。 
仆街喇，佢住邊呀？