[人性] [感情事]我不會講你知，其實是第幾次: Ada篇(9)

"喂，醒下啦。 
你住邊呀大小姐？"　我向住係我背上既Ada講。 

Ada冇反應。 

唉呢次真係自作孽。 
本來我有諗過去附近既公園坐下，等佢醒先算。 
不過如果我一路咩住佢周圍行，陣間俾人誤會就唔好啦。 
冇辦法啦，帶佢番左屋企先啦。 



於是，我伸手截的士。 
幾經辛苦，先安置好Ada上車。 
我從司機既倒後鏡見到，司機面露淫相咁望住後座既Ada。 
我望一望Ada，發現佢坐到腿張開，裙下春光一覽無遺。 
於是我攬住Ada，將佢捱係我身上，再放好佢對腳，等佢唔好再走光。 

拿，我對你都算係咁啦。 
呢個時候，司機呀叔開口。 

"後生仔，玩到咁夜呀。好好睇住女朋友喇。" 



"朋友黎姐。"我講完之後就好後悔，我肯定呢個淫叔一定亂諗。 

"咁記得安安全全喇。" 

我冇再理佢，廢事愈描愈黑。 
我閉目入神，好快就到左屋企樓下。 
呢個時候，我先發現原來Ada已經醒番。 
我扶左佢落車先。 



"喂，你冇野丫嗎？ 
你住邊呀？我唔知你住邊所以帶左你黎我到先。" 

"我住沙田呀。你帶我黎你屋企想點呀？嘻嘻。" 

"我冇想點。頭先你醉到不醒人事，又唔知你住邊。 
唔通掉你係街咩？行啦咁我送你番去啦。" 

"一場黎到，你唔請我上你到坐呀？" 

"唔好喇。陣間你又以為我對你做乜野。" 

"唔制，我要上去參觀！"