[人性] [感情事]我不會講你知，其實是第幾次: ocamp(2)

我地一見面就乜都傾一餐。 

"喂，聽日出camp去邊呀？"　Ada問我。 

"唔知呀，去睇波掛。" 我都唔知有咩做。 

"睇咩呀？我又去！"　Ada成日都話要跟埋我去。 

"你睇咩丫你你自己冇咩？"　我明串Ada。 



結果，我又俾佢毒打一餐。 
緣份既野真係好奇妙。 
上一秒我仲係憎呢個八婆，覺得佢好煩。 
下一秒我地簡直friend過夾band。 

係camp入面，有時我地傾計傾到攰， 
Ada都會捱落黎我到。 
我都覺得好自然冇乜問題。 
雖然其他同學都已經當我地兩個係一對， 
我地都一於少理，做番自己。 



直到家姐出camp前搵我。 

"呀Hugo生，請問你同個個女仔係咪一齊呢？"　佢用質問我既語氣。 

"唔係呀，做咩呀？"我好好奇點解家姐會理我既的事。 

"唔係就唔該你同佢保持距離啦！"唔知點解我覺得家姐好好火。 

"點解呀？我同佢係好朋友。" 



"但個個都話你地有路丫嘛！"家姐見我唔聽佢講，嬲到就黎出煙。 

"咁我地清者自清姐！何況我地唔介意其他人點睇。"我真係唔覺得有問題喎... 

"如果你真係仲愛Stella，你係咪應該同其他女仔保持距離呢？"