[人性] [感情事]我不會講你知，其實是第幾次: 保持距離

"但係，我都可以有朋友姐。 
我同佢冇野架喎。"我同家姐解釋。 

"呢個世界好細架咋。 
你唔好話我唔提醒你。 
如果你同個個女仔既事傳到去Stella到， 
冇人幫到你。" 
家姐雖然係好心提醒，但聽落去既感覺唔係咁好。 

"我..."我未講完，家姐又出聲。 



"你冇必要同我交待，你好自為之。"講完家姐就走左。 

其實我而家真係係一個好尷尬既位置。 
追番Stella又唔係，佢又同緊Darren一齊。 
我拍拖，我又放唔低Stella。 
而家連有個close d既好朋友，都要怕Stella知道。 
我可以點做？ 
我可以無視全世界，但我唔能夠無視Stella。 



俾家姐鬧完之後，我一直都心不在焉。 
Ada當然一直係我身邊，不過我不自覺咁同佢保持距離。 
旅遊巴番到學校既時候，Ada搵埋我一齊走。 

"唔喇，我有少少野做。 
開學見啦！" 我拒絕Ada。 

"你去邊呀？我好悶呀....我同你一齊去丫。" 
其實某程度上，我明白Ada怕自己一個既時候又會亂諗， 
所以佢成日痴住我。 


不過，今日我真係冇心情陪佢。 

"sorry呀，今日我真係有野做，我搵你啦再。" 

"咁好啦...你有時間就搵我啦。"Ada好失落。 

其實我冇野做，不過我真係想一個人靜下。 
我番到屋企，攤左係床。 
諗諗下我同Ada係咪應該要保持距離就訓著左。 
訓到半夜十二點， 
我俾一個message 嘈醒。係火車姐姐呀。 

"Hugo，可唔可以出黎陪我？"