[人性] [感情事]我不會講你知，其實是第幾次: 暑假

正如我講過，我呢個暑假既生活平平無奇。 
見得最多都只係Ada。 
話說有一日，我同佢去左又一城踩冰。 

"喂，其實呢，我唔識踩架喎。" 呢句說話唔係Ada講，係我講... 

"唔係呀嗎？你咁大個人唔好同我講你冇踩過冰呀！" Ada以嘲笑我既語氣問。 

"唔得架咩？我不屑玩呢d小朋友遊戲囉！"我都要面架大佬。 



"得喇巴閉喇，我教你啦大朋友。" 

就係咁，我地換好哂裝備，準備出場。 
我當然死都捉實條欄杆啦！ 

"你捉實條欄杆點樣踩呢？你試下放手啦。"Ada說服我。 

我一放手，就仆左係到...Ada當然係到大笑。 
呢個時候，有個男職員走埋黎扶起我。 
我好尷尬咁望住佢笑， 


佢既表情彷彿係到嘲笑緊我。 
呢次真係係Ada面前柒到出汁。 

"哈哈，你冇事丫嗎？" Ada扶住我。 

"你仲笑？我呢次真係柒到呢..."我拍拍屁股上既冰碎。 

"你冇聽過好朋友理論咩？ 
你柒左我會幫你，不過你要等我笑完先。"佢仲笑緊。 



"頂你..."我作勢打佢，點知我講完，又冼左係到。 
呢次佢笑得仲大聲。 

唉，有咩柒得過冼低一次？咪係冼低兩次囉.... 

"你又話教我？"我索性坐你地方唔起身。 

"係喇係喇大朋友，起身啦！" Ada扶番我起身。 
我一隻手就扶住欄杆慢慢行。 
呢個時候Ada就拖住我隻手教我。 
我居然有少少觸電既感覺！ 
嗯，我諗應該係乾燥得濟有靜電。