[人性] [感情事]我不會講你知，其實是第幾次: Ada前男友

"頭先個個就係Stella？好靚女喎。 
唔怪得你中個頭埋去啦。" Ada問我。 

"嗯，佢同我分手之後好似靚左。" 我自嘲一番。 

"不過你應該同人地講清楚d嘛。佢誤會左我地咁你咪好蝕底？" Ada一臉擔心。 

"哎呀，當初我同你保持距離，又係你叫我做番自己，唔洗咁介意人地點諗？ 
而家你又叫我講清講楚？神又係你鬼又係你喎dada。" 



"咁點同姐，而家係佢面前呀！ 
陣間因為我攪到你地距離又遠左就唔好啦！" Ada急住解釋。 

"你睇得自己咁重要架咩？ 
你對佢黎講冇乜威脅架咋喎。"　 

我諗住窒佢兩野，因為佢嬲包包又反駁唔到個樣實在太可愛。 

"係喇知我唔夠佢靚女喇。"Ada一臉死灰。 



"點會呢！我dada咁靚女！ 
喇！我唔理呀，佢誤會左， 
你就要負責任！" 差d激親佢，都係氹下佢先。 

"痴線！關我咩事呀？ 
同埋負乜鬼野責任呀？" 

"你唔知我既夢想係食拖鞋飯咩？" 每次我講出黎都覺得好自豪。 

"食屎啦你！你咁既質素就想食拖鞋飯？食懞左你呀？" Ada有時真係好粗魯。 



"喂喂喂。同你講左幾多次唔好咁粗魯姐？" 我皺皺眉。 

"哼！你理得我！" 

"唔好講呢d喇！頭先食飯咁趕住走， 
你仲係好介意咩？"我講番d正經d既話題。 

Ada沉默左一陣，先再開口講。 

"我好似仲未放得低佢..."