[人性] [感情事]我不會講你知，其實是第幾次: 解脫(2)

"我唔係好明你想講咩？"Ada皺哂眉咁問我。 

"我既意思係，呢個原本係屬於我同Stella既地方。 
而家我將你帶黎呢到，係希望你同我一齊努力建立屬於我地既回憶。 
將呢個地方，變成我地兩個既地方。" 

我抖一抖，望一望Ada既反應，再講： 

"同樣地，我希望你都會放開自己。 
帶我去屬於你同佢既地方。 


久而久之，我地要將佢地踢出我地原來既生活。 
當回憶出現重疊，或者，我地就唔會咁重視原本既回憶同關係。" 

"嘩！你發燒呀？ 
你咁樣算唔算同我示愛先？"　Ada摸一摸我額頭。 

"愛你條命呀愛。我指係屬於好朋友既回憶。 
如果一個人既一生，有愛情，有親情，有友情。 
點解我地唔可以以友情親情去蓋過愛情帶黎既傷害？" 



"你講野突然咁有深度既？ 
雖然聽落有少少道理。 
我講得簡單d，即係我地要帶對方去以前去過既地方啦！"　Ada哭笑不得。 

"咪就係咁囉！拿我今次帶左你黎..."我未講完，Ada截停左我。 

"頂你個肺咁你就簡簡單單咁講唔得架咩？ 
係到要扮哂大道理咁。" 

"都叫左你唔好咁粗魯咯！ 


如果唔係就算我幫左，你到時冇人要呀！"我嘲笑Ada。 

"你就冇人要呀死賤人！" 

呢一刻，Ada捱住我，一齊睇日落。 
呢一刻，我地既友情昇華到極點。 

能成為密友，大概總帶著愛？Who cares？