[人性] [感情事]我不會講你知，其實是第幾次: 巧遇同學

"咦，係喎！唔知佢同邊個去旅行呢。" 
我扮岩岩先見到Stella。 

"洗唔洗過去say個hi？" Ada問我。 
我聽唔出佢究竟係真心定係想試我。 

"哦，唔洗啦！"我當然老虎蟹都話唔洗啦。 

"你真係放低左喇咩？" 



"我拎得起左你呢個肥妹就要放低佢架啦！" 

"我邊到肥呀？！好，我減囉！" 
其實Ada好鬼瘦，得個九十磅，我都係隨口一句叫佢肥妹。 

"對唔住，唔好減，我唔想睇住你升仙呀！" 

呢個時候，居然有人叫我。 

"喂！Hugo！咁岩既？" 有把男人聲叫我。 



我擰轉頭，叫我既係我中六七既同學，叫軒仔。 
輝仔係中學好出名架，因為佢好靚仔。 
如果100分滿分我會俾101分佢。 
如果佢同樂仔比，我諗佢都可以輕鬆完勝。 
不過佢份人比較低調，我同佢都唔算係好熟。 

"軒哥咁岩既！你又旅行完？"　我搭住佢膊頭問。 

"係呀！我岩岩係台灣番黎。 


咦，你身邊呢位靚女係？" 佢當然係指我身邊既Ada。 

"哦，佢係Ada。我...女朋友。" 
軒仔都知道我同Stella中學時期拍拖， 
所以係佢面前講Ada係我女朋友真係有少少尷尬。 

"Ada你好！ 
嘩Hugo哥！你就好啦！Ada咁靚女！"　 
佢仲有個優點，佢真係好識做人。 

我見到Ada係側邊笑得好開心。 
女人都係中意俾人讚，而且仲要俾個靚仔讚。 

"靚？邊到靚呀？睇過？" 我又忍唔住揶揄Ada一番。 



"哈哈，你地真係sweet。"　軒哥幫我兜。 

"係呢，你自己一個去旅行？"　因為我淨係見到佢一個人。 

軒仔靜左一陣，先再開口： 

"唔係呀，我都係同我女朋友去旅行。" 

"拿！你既女朋友就一定係靚女喇！ 
係邊呀佢？" 

佢未答我，佢身邊已經有個幾高既女仔走緊埋黎。