[人性] [感情事]我不會講你知，其實是第幾次: 內疚

有人講過， 
內疚先至係維持感情既最好方法。 
呢後時間，我同Ada都係糖痴豆一樣。 
我地遊歷左好多地方。 

直至三月份。 
有一日我番到屋企，我老豆冇啦啦搵我傾計。 

"仔呀，就畢業喇喎。你諗住做咩呀？"老豆問我。 



"我都未知呀，申請下d MT掛。" 對我黎講，MT當然係遙不可及。 

"你有冇諗過繼續讀書？" 

"冇呀做咩咁問呀？" 

"我同你老媽子都儲左少少錢， 
你之前講過你冇去到exchange有少少後悔， 
我地想睇下你想唔想去外過讀個taught master之嘛。" 



"應該唔會喇，我唔覺得一畢業就讀個MSc有咩用..." 

"你自己諗下啦，讀多張沙紙回都好d既。" 

當然，我都冇諗住離開香港，你叫我點放心留低Ada係到。 

"bb，如果我去左外國讀書，你會點呀？"我突然問Ada。 

"下？你去讀書咩？"Ada一聽到個反應好大。 



"唔係，問下之嘛。" 

"我唔捨得你囉。但係如果你真係想讀都係一件好事。" 
我睇得出Ada既神色有少少黯然。