[人性] [感情事]我不會講你知，其實是第幾次: 說穿

四月。我一生人都會記得既日子。 
呢日我如常上堂。不過好奇怪，Ada居然冇番。 

“Dada做咩唔番學呀？唔舒服呀？”我whatsapp左Ada。 

不過佢冇覆我。 
直到晚上，Ada搵番我，約左我去尖沙咀碼頭。 

“Sorry Hugo，今朝有少少野做， 
冇番到學又覆你唔到。” Ada同我解釋。 



“唔緊要，你冇事就好。 
你有咩做呀今朝？” 

“冇乜事。我想問你一樣野。”Ada神色好凝重。 

“傻瓜問咩呀？”其實我覺得Ada有少少奇怪。 

“你愛我嗎？如果我想你同我講真話，唔好厄我，可以嗎？” 



“究竟咩事呀？” 

“你同個個琪琪有咩關係？Hugo，求下你講真話。”呢個時候Ada已經雙眼通紅。 
我如雷貫耳。 

終究，紙並包唔住火。 
呢個係一個考驗。 
我應該講真話？定繼續欺騙Ada？