[人性] [感情事]我不會講你知，其實是第幾次: 東窗事發(2)

我冇怪Ada打我，我都冇資格怪佢。 
我只係想Ada唔好離開我。 

"Ada我知道我真係做錯喇。 
我只係希望你可以俾一次機會我。 
我一定會做番個好好既男朋友架。 
我地講過要一齊去畢業旅行； 
我地話過要一齊俾心機做野，儲錢結婚； 
我地講過我地要生兩個肥肥白白既BB架... 
我地仲有好多野要做架... 


俾多次機會我好嗎？" 

我唯有動之以情。 

Ada靜左落黎冇出聲，只係繼續喊。 
我知道我一定要把握呢個機會氹番佢。 
Ada從來都係一個心軟既人。 

"Dada好多人望住我地喇。 
我地不如搵個地方傾下好冇？" 


四周圍已經好多花生友等睇戲。 

Ada都係冇出聲，我就拉左佢走。 
佢縮開手，唔想俾我拖住，但佢靜靜咁跟住我。 
我到附近既m記，搵左個位坐低。 

"傻妹，你餓唔餓呀，我地食少少野先好冇？" 

Ada只係擰擰頭。 



"Ada，我知道我令你好失望。 
我知道我做錯左。 
但係我真係唔想冇左你。 
我知道你對我好失望， 
但係我只係希望有一個機會，去證明我係真心想改， 
真心想同你一齊行落去呀。" 

"我唔知呀...."Ada終於肯開口。