[人性] [感情事]我不會講你知，其實是第幾次: 分開簡單抺去往事極難

"我只係請你信多我一次， 
我再做錯既話我會自己走。" 
我再一次墾求。 

"你俾少少時間我諗下得唔得呀..." 
Ada應該就黎崩潰，我都唔想再逼佢。 

"好，咁你食唔食野呀？ 
食完我送你番去啦。" 



"唔食喇。唔洗喇，我自己番去。" Ada去意已決，轉身就走。 

唉。點解Ada會知架... 
我沒精打采咁番屋企， 
飯都冇食就入左房訓覺。 
只求聽日一早，Ada會有好消息俾我。 

第二日清晨，我訓得唔係太好， 
好早就醒左。 
第一個動作就係check電話。 


果然，Ada真係覆左我。 

"Hugo，你知道我有幾心痛嗎？ 
由我知道左你同佢發生關係，到你親口承認， 
我真係諗過死左去一了百了。 

我真係好愛你。 
你係個個親手將我係涯邊救番上黎，俾我幸福， 
俾我明白到呢個世界仲有希望仲有愛既人。 
當我確認左你係我既男人， 


憧憬可以同你白頭到老既時候， 
你又親手推我落涯。 
你明唔明白有幾震撼， 
我有幾難受呀？ 

對唔住，恕我冇辦法同你一齊。 
我愛你，但我而家諗起你， 
只係諗到你同第二個女人纏綿。 
我接受唔到。 

如果，你相信緣份， 
而我地真係有緣既話， 
到時先算啦。 
你唔洗再搵我， 
你知我唔會俾你搵到。 


再見了。 

曾經係你既Dada。"