[人性] [感情事]我不會講你知，其實是第幾次: 最後約定

呢一個星期以黎， 
我都好乖咁準時番學。 
當然係因為Ada啦。 
不過Ada既態度始乎仲係好強硬。 
唔通我真係冇可能氹番佢？ 

就算以後見唔見到佢都好， 
我決定同佢講哂我既心情。 
於是，我寫左一封信俾佢， 
係呀係信呀唔係message。 


或者，最能感染人生既就係用心寫出黎既文字。 

"親愛既Dada 

寫呢封信既時候，我真係抱住忐忑既心。 
仲記得三年前我地點樣認識嗎？ 
個時既你話自己係A0我真係點都唔信架。 
邊個叫你個時咁主動姐哈哈！ 
雖然你擁有甜美既外表，但係我真係對你少少好感都好。 
鬼叫你咁煩咩？ 


不過到今時今日，我終於明白原來煩一個人都要好大既勇氣。 

到後黎我知道你同你前度既事， 
我對你心生同情，由個日起我地做左好朋友。 
我地唔理人地點睇，個時既日子真係好開心。 
我地中間都經歷左好多起起跌跌， 
一齊去過好多地方，一齊喊一齊笑， 
最後仲走埋係一齊。 
我可以講，同你一齊既日子係我最開心最放鬆既日子。 
唔知你仲記唔記得呢d日子呢？ 


係沙灘漫步，係日本遊歷，係下白泥睇日落。 
一切我都記得好清楚。 

你係一個好好好好既女朋友。 
對我百份百信任，照顧我無微不至。 
係我對你唔住，利用左你對我既信任。 
或者我唔值得你咁愛我， 
但係我知道你就係我要搵既人。 

如果上天俾多次機會我， 
我一定會盡我所能咁去愛你。 
我可能唔值得你再一次愛我， 
但係我真係好想去彌補我做錯既事。 

我地可以從頭黎過嗎？" 



我親手將信交俾Ada。