[人性] [感情事]我不會講你知，其實是第幾次: 最後約定(2)
Ada收到信，只係冷冷既望住我，
並冇即時睇信既內容。
或者我係佢面前，佢並唔方便睇？
我倒吸一口氣，離開眼前既演講廳。
希望俾少少空間Ada。
我一個人走到學生會大樓既後座，
呆呆咁坐左係到。
"喂，Hugo。" 我望一望，叫我既係一個唔係好熟既同學。
"點呀？" 我無厘神氣。
"冇呀，見你呢排成個人落哂形咁，有冇野幫到你？"
我估唔到一個唔熟既人都睇得出我好唔掂。
"哈哈，冇事。男人煩都係個幾樣野姐，我攪得掂。" 我灑灑手。
"ok，攪得掂就好啦。咪成日苦瓜乾咁啦。煙仔岩唔岩？" 佢遞上左一包煙。
學生會大樓既後座，係學生經常煲煙既地方。
"嗯。Thanks。" 我接過香煙。
真低能，中學時候人地學壞食煙，
我就黎出黎做野先食煙。
呢個時候，我電話居然響。
因為Ada冇搵我之後，基本上都冇乜響過。
用了一支煙的時間 掛念誰
浪費了幾分鐘的 感情
計算得到還未算太累
而你似看穿我 扮強悍
笑我姿勢未純熟
吸了煙 呼出 眼淚
浪費了幾分鐘的 感情
計算得到還未算太累
而你似看穿我 扮強悍
笑我姿勢未純熟
吸了煙 呼出 眼淚