[人性] [感情事]我不會講你知，其實是第幾次: 最後約定(3)

打俾我既竟然係Ada。 
我即刻掉左煙頭，接聽電話。 

"喂，Ada？"我心中有無限興奮。 

"你係邊？" 

"我行開左，我而家即刻番黎。" 

"唔洗，去傾兩句好嗎？supersandwich等。" 



我走到學生會大樓對面既超級三文治，搵左個位， 
靜靜咁等Ada。 
唔知佢想同我講咩呢？ 
唔通我仲有希望？ 

見到Ada四圍望，我同佢揮揮手。 
Ada坐低之後，皺皺眉咁望住我。 
"你食煙？" 



"一枝半枝姐。" 

"我...睇左封信喇。 
坦白講，我真係接受唔到你同第二個女人上床。 
你知道嗎？當我知道左你同第二個人上床既時候， 
我一方面好心痛點解你會咁做。 
另一方面，我好懷疑自己既魅力，畢竟你同我都冇做過個回事。" 
Ada終於肯同我傾下。 

"唔係架，我唔捨得對你咁做姐。" 


我都而家都真係唔知點解我會冇同Ada上過床。 
我同佢一齊，真係好少諗個回事。 

"點都好，呢一刻，我唔會改變主意。" 
我聽到之後非常失望。 
不過Ada停左一停又補多句： 

"不過，我相信緣份。 
如果一年後，你仲係鍾意我， 
而我地大家又係單身，到時先再算啦。 
希望一年後，我見到你既改變。" 

哈，居然同我玩緣份既遊戲。 
定係佢睇死我根本捱唔到一年？