[人性] [感情事]我不會講你知，其實是第幾次: Skype

呢一日我放學，番到宿舍， 
就收到Stella既skype既邀請。 
我見怪不怪，因為呢排我唔係同樂仔玩，就係同Stella玩。 

"點呀？" 香港個邊已經係夜晚，Stella著住套好hea既睡衣。 

"冇呀！睇下你點之嘛！好悶呀香港！ 
Candy又成日掛住搵樂仔。" 
Stella打哂呵欠咁款。 



"都係咁啦，上堂落堂囉。 
呢邊咪仲悶，城市仔冇乜娛樂。" 

"係架咩？咁你平時有乜做呀？" 

"飲野，睇波，飲野，睇波囉。一係就house p囉。 
你知班鬼架啦。日光日白都係酒吧既。" 

"哼！冇溝女咩？" 



"做乜開口埋口都係媾女架，我黎呢邊讀書架。" 
我講完自己都想嘔。 
不過我又真係冇媾女既，鬼妹唔係我既喜好。 

"哈，係喇係喇。知你心入面有Ada喇。 
仲係搵唔到佢呀？" 

"係呀，我都唔明白你地d女人諗咩架。" 
我真係唔明點解要一年。 



"你知你架喇，幾咁冇安全感。 
人地都係想試你姐。 
頂唔順你咪放棄囉！" 
Stella眼仔碌碌。