[人性] [感情事]我不會講你知，其實是第幾次: 歐遊

"唔會啦，除非佢已經唔再中意我啦。 
我已經諗好左點氹番佢架喇.. 
拿，首先...."　我滔滔不絕。 

"得喇得喇，你唔再變心先算啦。 
話時話，我呢同軒仔分開左喇。" 
Stella頂我唔順，唔俾我講落去。 

"下？點解呀？人地飛左你喇？" 
係我心目中，只有軒仔飛人。 



"唔係呀。我覺得唔係咁岩咪分開囉。" 

"人地咁好你都唔識珍惜。"我真心嘆息。 

"你有資格講呢句說話咩？"Stella毫不留情。 

我地相對無言。 

"呢邊夜喇，我訓先喇。" 


Stella講完之後就off左。 
真係頂佢個肺丫，俾Stella話完真係唔係好甘心。 

講番我班同學， 
黎左呢到都一段時間， 
都識左好幾個朋友。 
除左一個英國仔同一個香港男仔，仲有一個法國靚仔。 
不過當我知道個法國靚仔係gay既，我就疏遠左佢...... 
之後就要數到兩個泰妹。 



有一日，同個泰妹傾緊計個陣， 
講起聖誕佢地會去旅行， 
我就話我冇野做， 
點知佢地叫我一齊去！ 
唔洗ff喇，佢地已經book哂房， 
我要去就自己book房啦。 
由於我聖誕唔會番香港，於是我即刻上網book機票酒店！ 
攪掂！