[人性] [感情事]我不會講你知，其實是第幾次: 結局篇) 二

Stella既事，我真係唔知有冇估錯。 
不過而家最重要既係，聽日可以見到Ada。 
我呢年黎所有想同佢講野既野都終於可以講哂出黎。 
我好想知道Ada係咪真係咁快就放低我。 
個個男仔究竟係咩人... 

由於時差既關係， 
我第二日訓醒已經係夜晚。 
我換好衫就出去搵Ada喇。 
好緊張呀好緊張呀！ 


唔知Ada有冇咩變化呢？ 

Ada好準時，佢今日著左一條連身藍色長裙， 
非常搶眼。 
加上佢招牌迷人笑容，殺死人喇。 

"好耐冇見，你都仲係咁靚。" 

"哼！唔係愈黎愈靚咩？"　Ada仲識同我講下笑。 



"係係係，Dada你愈黎愈明艷照人。 

門面說話講完，我當然要問下佢男朋友既事。 

"喂，聽人講，你拍拖喇喎。有冇咁快可以唔記得我呀？" 
我都唔長情架啦... 

"下？邊個話你聽我拍拖呀？我冇呀。"Ada一臉愕然。 

"下？冇？好多人話見到你同個男仔一齊， 


你仲send左個message俾我架。"　到此為止丫嘛。 

"我唔可以同男仔去街架咩？ 
仲有咩message呀？我邊有send過野俾你？" 

我一片空白，即係點呀？ 
我明明收到佢個message同我講到此為止架喎... 

"即係，你冇拍拖？"