[人性] [感情事]我不會講你知，其實是第幾次: 結局篇) 三

"冇呀！我有冇拍拖我自己唔知架咩？" Ada一臉認真。 

oh yes!即係我仲有機會啦？！ 

"咁就好喇....咁你係咪可以俾個機會我地重頭黎過？" 我認我好心急。 

"你乜都冇做過，就想我原諒你同你一齊？ 
我同你講呀我都未嬲完。" 
言下之意，Ada即係指只要我感動到佢， 
我地就可以再一齊？ 



"冇問題！我一定會令你再次相信我既愛。" 

"哼，你做到先算啦！" 

我送左Ada番屋企，去到樓下我好自然就想同佢good bye kiss。 
不過Ada避開左。 
都岩既，我地而家唔係男女朋友關係。 

我好快就將呢件事講左比樂仔聽。 


佢有少少驚訝點解Ada會話佢冇拍拖... 

"我明明見到佢...算啦，你地快d好番就得啦！"　樂仔有少少欲言又止。 

"不過我唔明點解佢話冇send個message。" 

"算啦，知黎都冇幫助。 
你快d諗下點樣氹番人地好過啦！" 

樂仔講得岩！要好好準備下先！ 


我無將呢個消息講俾Stella聽， 
我唔知佢會點諗。 

呢一晚，我興奮到訓唔著。