《亡命者》「選擇」「領袖」: 第三章 國際芳聖

係去學校個段路，見到一隻綠眼人，飛宏終於相信我講嘅嘢。

『我屌！對眼真係綠色』佢兩個一齊講

馬路上嘅交通依然擠塞，但啲人又唔知係邊。

我不斷左右穿梭，係車群中穿過，而飛宏……不予置評。

但係就去到嘅時候，我見到右邊一個着校服嘅女生被兩個綠眼人追趕，本能下我去營救。





我急速轉右加大油門，直衝上石X位，用前車軚壓向其中一隻嘅頭，前軚連頭落地，一個爆頭，而另一隻被電單車身壓住腰，打算咬我左腳，但係我右手一早抆槍對住佢個頭。

「砰」

『第三隻』我望住屍體説

殺完後我望向右邊，原來我救啱人，佢係黃楠南，人稱南南，今年17歲，身高153，45kg，細細粒，平陰，塊面腫腫地，兩條曱甴鬚係左右係咁 fing，不良少女，成日唔返學，不過天生公仔樣，平衝返。

『阿榮？』南南問





『係，上車』我除下頭盔比佢確認係我

『點解你有槍嘅？』南南一路上車一路問

『祕密』我戴返頭盔渣車

『呢到發生咩事？』飛宏終於趕到

『殺左兩隻綠眼人』我平淡咁講





『死人呀！』心姐指住個兩條屍體尖叫

『細聲啲啦吸引其他人嚟咩？』我制止佢嘅聲線

『宜家學校有幾多隻綠眼人？』我問一問

『唔知，我就見到學校巳經有兩隻跑過嚟』南南睇住地上兩條屍體害怕地説

『超過五隻綠眼人就要等警察救，有無問題？』我問佢地三個

『點解要五隻？』飛宏不禁一問

『我宜家換緊彈，得六發，一個後備同四粒子彈，重要分心保護你地，槍法幾叻都唔夠做啦』我一邊入彈一邊講

『加上我地嘅電單車巳經無位，五隻以下殺到都可以入學校避難，五隻以上我換唔切子彈殺佢地』我繼續解釋





『好』飛宏用害怕的聲線回答

兩架電單車係馬路上狂奔，有幾隻綠眼人想追都追唔到 。

我地係學校附近觀察，發現學校門口無開門，有三隻綠眼人係到打門，背向我地。

我打個眼神比飛宏，旨意我地兩個上前，兩個女嘅係後面睇車，飛宏點頭答應。

我地兩個用半蹲嘅姿勢慢慢向前行

我右手拎伸縮警棍，左手拎手槍以防萬一，而飛宏就右手拎菜刀，我感覺到飛宏有啲驚，但係宜家都無得返轉頭。

係三米嘅距離，飛宏唔小心踩到一舊石頭，個三個綠眼人立即轉身。





『屌』我講完左手瞄準其中一隻嘅頭部，下一秒開槍

『砰』

宜家二打二，應該有啲優勢，兩隻綠眼人分別着灰色同白色，我對付白色，而飛宏對付灰色，白色個右手直出想爪我，我向左行一步，右手用伸縮警棍由左至右將佢的右手撥開，製造破綻後，左手手槍瞄準太陽穴。

『砰』

『第五隻』

到於飛宏重未衝破心理個關，有幾次機會都無殺落去，我睇唔過眼，收起槍，上前對背向我嘅綠眼人擊打，我向佢嘅後頸骨揮打，打算張佢嘅頸神經線全部打斷，最後，佢未死，但係下半身不遂。

『讀兩年運動係唔同啲』飛宏半蹲喘氣説

『甩骹都唔驚，呢啲有咩好怕』





我係VTC讀左兩年運動，啲受傷運動片由開頭唔敢睇到之後目無表情睇住支標槍插死人，重要讀全身骨骼，肌肉，神經線，急救，血液流動等等，我都諗緊自己係讀運動教練定係解剖員！！。

呢個時候有人開門。

『入嚟啦你地』有個學生大叫

我地拎埋電單車入學校。

『好勇敢呀你地』好多女學生稱贊

『但係呢個邊個嚟？』有人指向我問

『佢唔係我地學校嫁喎』『但係佢救左我哋』『幾靚仔喎』『無暗瘡印嘅話我都想食左佢』學校嘅學生不斷對我講





『下？』我不禁一呆

呢個時候有個肥仔跑出嚟緊抱著我

『啊榮你好勇呀』佢講完更用力抱著我

我 feel 到自己嘅胸骨就嚟斷裂

佢叫肥巫，今年18歲，係一個米八高但八十kg嘅肥仔，性格爽朗唔做作，係個人人都中意嘅死肥仔。

『我……就嚟香』我好似周潤發咁講

『阿…sorry』肥巫終於鬆手

我坐係地上抖氣

『你地全部都無事？』飛宏問

『係，我地見到啲人對眼綠色就鎖門，點知佢地就撞過嚟，嚇死我地』肥巫解釋

我將頭先發生過嘅事同呢班學生講一次。

『之後件事就係咁』我一邊講一邊入子彈落手槍到，重有十四發。

『唔知邊度有安全嘅地方可以我地』有個男學生問

『有啊榮咪得囉』有個女學生走嚟抱我手臂，用心口個兩粒導彈夾實我手臂。

我眼前嘅係一位身穿國際芳聖校服的女學生，佢身高一米六，纖幼嘅手指係我手臂輕輕來回磨擦，個種可愛又性感嘅氣質係非常吸引，而心口個兩粒導彈我feel到係33C。

Oh shit，手臂舒服到個點，個樣靚到係校花級數，再加上楚楚可憐嘅眼神，我實在拒絕唔到，正當我打算以熱吻回應呢位熱情又美麗嘅女同學。

個無線電接收同我響起！！！

Fuc…k！！！！！！！！

『所有警員前住雍盛商場建立防線』