《亡命者》「選擇」「領袖」: 第四章 NCO

所有學生學生都開始係飯堂討論防線嘅事

『sorry，睇嚟下次先有機會，你叫咩名？』我同一路抱著我手臂嘅女同學講

『咁下次要你雙倍比返我，我叫楊樂兒』佢係我耳邊甜笑地説

學生討論緊去定唔去
『我就覺得唔好去好啲』『去啦有警察保護』『但係資料可信性唔高』『咁又係』

『佢地好似唔想去』飛宏望住呢班學生講





『佢哋需要嘅係可以帶領佢地嘅領袖，而唔係小組討論』我冷淡咁講

『你去做定我去做？』我問飛宏

『緊係你啦，傳説中擁有二十七個專章嘅NCO』飛宏斜眼笑著説

少年軍有專章制度，係各區都有分隊，但係三十幾年嚟都無人做到全部章都有，不過，我成為第一個，所以其他分隊都把我稱為
。
。




。
傳説中嘅NCO


至於二十七個專章係咩就遲啲先介紹。

我從回憶中抽離，搵張枱就企上去，舉起右手渣實拳頭。

所有學生注意到我嘅存在都停止講嘢望向我。





『我叫鄭家榮，我的確唔係呢間學校嘅學生，我明白呢一切係好難接受，相信我，我都係』

做簡單自我介紹

『係一個鐘頭十五分鐘之前，我都係一個因為遲到而趕住返學嘅學生，但係我就係爆發現場見到呢一切，一個警察就係我面前被怪物殺死』

用事實令佢地身同感受

『我都好驚，但係去防線比警察保護係宜家最好嘅選擇，我唔會強迫你地跟隨我，我只會做最好嘅決定比團隊』

加強自己嘅理念，令佢地對領袖充滿希望

每一步睇落簡單，但係一步錯左就好難令佢地跟隨，呢個就係領袖嘅辛酸。

佢地聽完之後，有啲想跟隨我，有啲就想留係學校，重有啲學生唔知點做好。





『佢哋有啲都係想留係學校』係我落嚟嘅時候飛宏説

『要做嘅都做曬，之後佢哋自己決定』我冷淡回應

『你唔想所有人一齊走？』 飛宏疑惑地説

『想，但係唔忠心於團隊嘅人係危急關頭只會出賣團隊，以求自保』

『你又講得啱嘅』

『你地去搵啲武器先』我對學生説

而我就去確認係咪真係有人係商場，飛宏都想跟埋嚟。





我看著飛宏，右手搭著飛宏的膊頭説『我需要你指揮佢地，我唔係到你就係隊長』

飛宏看著我堅定的眼神，點頭説『一定要返嚟，兄弟』

『一定會』我堅定回答

呢個兄弟係我其中一個唔想係呢個亂世中死嘅人，因為我地經歷過好多嘢先可以撐到宜家，我只係想好好保護我想守護嘅人。

學校大門再次打開，今次只係得我一個同我嘅愛匹，任務就是確認消息係咪真同埋路線規劃，而飛宏就係學校點算人數武器食物同裝備。

低沉嘅咆哮聲伴隨希望出發