《亡命者》「選擇」「領袖」: 第六章 安全區
茶餐廳入面
『一個A餐，凍奶茶』我對侍應説
『一個C餐，凍檸啡』飛宏對侍應説
『下？，老闆我地有賣凍檸啡咩？』侍應大聲問老闆
『痴撚線，撚有凍檸啡賣呀』老闆舉中指説
『唉無嘢啦，轉返凍檸茶啦』飛宏失望地説
『痴撚線』個待應寫完單轉身説
『點解你次次去茶餐廳都要嗌凍檸啡嘅？』我不禁一問
『因為好似好好飲』飛宏認真咁講
『但係間間茶餐廳都無凍檸啡賣』
『只要有一日，有人比杯凍檸啡我，叫聲忽得哥，咁佢一定係巴打或者絲打』飛宏充滿期望地説
『返大學收兵啦你』我笑
『識貨喎』
之後又傾左好多無營養嘅嘢，又傾下女，傾下返集隊啲白痴嘢。
傾到咁上下。
我企左起身，全餐廳嘅人都望住我，包括飛宏。
『雖然好想傾多一陣，但係我諗我差唔多要醒』我無視周圍嘅食客，對住飛宏講
『你一直都知？』飛宏對我説
『知，所以我一定救現實嘅你』
『你嘅第六感重係咁準』飛宏對我苦笑説
我左手放係口前咬拇短展肌。
下一秒
。
。
。
我醒左
返嚟呢個現實又殘酷嘅世界。
我坐係張椅，周圍無女學生慰問，無兄弟擁抱，而且雙手重要收人用手銬銬住，係前方四米張枱上面有我個背囊同埋警察嘅裝備，被人捉嘅原因應該都係我身上有警隊裝備，不過唔係被人吊係到應該都無咩事嘅(我估)，而且班學生應該有人救左。
有個警察入左嚟，肩頭有一條柴，應該是高級警員，但係咁嘅軍階我係少年軍都高過佢啦，所以未見到勁少少嘅人我都無開口的打算。
『啲裝備你點得嚟？』
『………』
『你點樣搶我地夥記啲裝備？』
『………』我保持沉默
『你唔講出嚟我幫你唔到』
『………』就憑你條廢柴幫到我
『睇嚟唔比啲甜頭你你都唔會驚』佢講完出左去
。
。
。
。
而係一日前，家榮殺埋最後一隻綠眼人，飛宏都趕過嚟，想睇下有咩可以幫手，結果一班警察持槍對住學生，家榮早就被人打暈左。
『你地係邊間學校嘅學生？』其中一個警察問
『國際芳聖中學』飛宏企出嚟講
『點解你地會係到？』
『我地收到可靠情報雍盛商場好安全，所以想過去尋求警察庇護』
『你地跟我地返去，每個人都要錄口供，只要無嫌疑就可以釋放』
『咁點解要打暈佢？』飛宏望住被人抱起的家榮
『因為佢搶左警隊嘅裝備，以防萬一所以打暈佢』
個個鴉雀無聲，都默認佢言之有理
『明白，但係我地抱佢返去，再有綠眼人出現你地可能唔夠人手對付』
『隨便你，不過返到倖存區佢要比返我哋』
『所謂嘅倖存區有幾多人？』飛宏放低雙手問
『千幾個普通市民，大約三百個警察，重有幾百個學生，好似重有啲係制服團體，加埋你地就差唔多二千人』
『問完就行啦』佢答完就指引路線
「一定要係你地，我曾經嘅戰友」飛宏暗暗祈禱
慶幸嘅係，去倖存區個段路再無見到綠眼人。
去到倖存區嘅飛宏不禁鬆一口氣，雖然同家榮形容嘅一樣，係商場出入口到用枱椅封住，用大門唯一一個出入口防守，同埋收費站個邊有人防守，但係有個安全區比警察保護，唔洗係出面提心吊膽驚見到綠眼人，又要家榮保護大家，飛宏放鬆神經，今日始終發生左太多事，對一個又要DSE又要拍拖嘅人呢講太突然。
而家榮一入到倖存區就巳經比警察抱走左。
飛宏諗起呢個兄弟同自己講嘅嘢
『我唔係到，你就係隊長』
而飛宏正打算幫手講好説話嘅時候。
『宣宏』一把充滿慈祥嘅聲音説
『宣宏哥哥』一把小女孩嘅聲説
『madam poon，琪琪！！』我轉身驚訝地説
潘小敏，個個叫佢madam poon，30歲，結左婚但未有仔女，身高一米五，all back 短馬卷，與其話佢係導師，不如話佢似我地阿媽，佢好中意唱詩歌，中意到一個地步係每個星期六集隊都要我地陪佢唱。
到於琪琪就交返比家榮哥介紹。
『你地點到呢到嫁？家榮呢？』madam poon不斷問
而琪琪就等待我回答。
『佢……』我將今日發生過嘅所有事都講出嚟，除咗家榮殺左十幾隻綠眼人之外
『所以家榮宜家就係警察到？』madam poon問
『係』我回答
而琪琪就企左係到打算等。
『咁我地係到等佢』madam poon後面重有一班人
『榮sir，兔仔，candy，kinglam』我驚訝地説
『你地都無事呀』我抱住kinglam
Kinglam，身高一米七四，五十kg，係分隊同鄭家榮，陳宣宏二人係好朋友好兄弟，三人擁有唔同的天份，互補不足，除左太串之外，音樂同箭術都係kinglam的强項。
『當然啦，我地邊有咁易死』kinglam講
『太好啦，幾驚你地有事』我不禁流下男兒淚
『我咁近緊係無事啦』kinglam指住係商場隔離馬國明中學
而其他人都係附近返工返學，所以都好快嚟到。
『啱啱見到班綠眼人真係嚇死我』candy害怕地説
『驚咩呀，啱啱有阿榮保護我地呀，重有BB保護我』心姐抱住我説
『咁又點？你咪又係要人保護？』兔仔幫candy反擊
『小宏佢地蝦我呀』心姐講完攬住我喊
『好啦好啦，唔好喊啦，係到等阿榮啦』我好似氹女瞓覺咁氹
而樂兒，南南都等埋一份。
結果一班少年軍，心姐，南南，樂兒，琪琪同我都係到等阿榮。