《亡命者》「選擇」「領袖」: 第十三章 惡鬼級戰力
『鄭家榮新兵，入訓練營時完成左一個B級同一個A級任務，新政府批准進行軍階升考試，合格會講埋獎勵物品』
一位軍人睇手上的檔案説。
『A級同B級任務我幾時做嘅？』
『B級任務係護送學生到倖存區，A級任務係成功保護倖存區』
『好，咁考試考咩？』
所謂測試，其實都只係做返新兵測試個啲嘢，係要求高左同比較嚴格，同我嚟講一啲問題都無。
。
。
。
。
不少人都係出面睇下家榮嘅表現，而我就去問哥斯拉關於軍階嘅嘢。
『哥斯拉』
『飛宏哥』
『你講嘅騎士級同惡鬼級係咩嚟？』
『呢個係新政府用嚟做軍階嘅新稱號』
『新稱號？』
『係，宜家新嘅軍階係戰皇級戰力，戰神級戰力，龍級戰力，狼級戰力，惡鬼級戰力，聖騎士級戰力，騎士級戰力，新兵級戰力』
『姐係我地宜家係新兵級戰力？』
『無錯，遲啲重會有新制服比我地』
『新制服？』
『係呀，因為好似話有好多怪物本身都係軍人，所以整新制服費事搞錯自己友同敵人』
『原來係咁』
『你睇下佢』哥斯拉指住操場
我望過去，有一個人係充滿障礙物嘅地方行動，每個行動同閃避都輕鬆完成，頭先挽死唔少新兵嘅障礙位都被佢用極高難度嘅動作跨過，到終點時佢跑去射擊場前拿取手槍，入彈，對五十米遠嘅槍靶連開十二槍，全部爆頭。
此時都重未結束，佢把手槍放回枱面，走到我們先前做近身格鬥個邊，有一位軍人等候佢，一上枱二人立即衝向對方，用各自嘅拿手本領過招。
雙方處於膠着嘅狀態，但見到個軍人有隱約嘅優勢，佢用強勁嘅體格同埋標準嘅動作壓制住個新兵，個新兵用我地以前打交嘅技術同死纏爛打的風格苦苦掙扎，等持一個可以反擊嘅機會。
呢個新兵就係我嘅好兄弟
鄭家榮
佢一直我地自創嘅打交方式加埋自己上網睇武術片自學返嚟嘅動作應付眼前嘅軍人。
佢不斷後退閃避，軍人衝前右直拳，家榮睇狀用左手由左至右推走軍人的拳頭，一招以柔制剛將軍人推去自己嘅右邊，形成軍人無法連擊嘅情況，家榮用掌推到軍人訓在地上就算，似乎唔想令軍人無臉要輸比一個新兵。
。
。
。
。
『多謝你留手』我對眼前的軍人説
佢似乎意會到我幫手，説
『別客氣，別客氣』
『咁我合唔合格？』雖然幫左佢解圍，但係答案係點我都需要知
『無問題，小兄弟，你一定合格』佢以唔太純正嘅廣東話回應
『無問題嘅話我返去先』我講完轉身準備離開
『呀，等一等呀小兄弟』
『做咩？』
『還有獎勵物品沒説呀』
『係啲咩？』
『畢業時可以選擇武器』
『選擇武器？』
『對呀，這是教官説的，還有其他的獎勵教官會在畢業時説』
『好，咁我返去先』
『好呀，沒問題』
聽完我就返去飯堂，不斷聽到班新兵係到歡呼，但係陳曉輝已經係飯堂出現。
。
。
。
。
『所有新兵去操場集合進行下一項訓練！』
『yes sir』佢地大聲回應
五分鐘之後，三百幾個新兵整齊係操場集合。
『下一項訓練，你地要咩住背囊跑上去見我』我指住其中一座山
『呢到有三百六十位新兵，頭一百六十位到達並報到嘅新兵可以唔洗罰，其餘二百位要做一千下掌上壓』
唔少新兵都愕然，彷彿連掌上壓係咩都唔知，可以有學生連山都未行過，所以心肺功能，大腿肌肉同手腕肌肉都無力量可言，就用呢個方法逼啲有體能潛質嘅新兵。
所有人都係工作人員嘅手上拎背囊，入面全部都有我根據新兵嘅身型而調整嘅重量，睇佢地係超負荷嘅情況下可以去到幾盡。
我對天開槍，幾百人爭先恐後向前跑，慕求做第一個，但係呢個都係我計算之內，因為我做左一個漏洞。
大部分人都出發左之後，操場重有大約六十人，呢六十人唔係放棄，佢地嘅眼神話我知，我刻意制造嘅漏洞佢地發覺同識得破解，不過比我估計嘅多。
『唔錯，唔錯』我拍手説
軍隊需要嘅唔只係勇字行頭嘅士兵，而係呢班可以睇通一切，扭轉劣勢嘅天才。
戰爭重來都唔缺猛將，缺少永遠都係軍師
有十幾人行過嚟，當中有一個我認得佢，佢係頭先巳經升上惡鬼級戰力嘅新兵，鄭家榮，係我重諗緊有咩獎勵比佢的時候，佢行緊過嚟，佢身邊有個新兵係咁問佢嘢，其他人都跟住佢，原來係因為鄭家榮所以令到咁多人係到。
『喂，得唔得嫁？，萬一唔係我地追唔切嫁喎』
我記得呢個係鄭家榮係少年軍其中一個隊友，candy。
『呢啲陰人位我地搞親camp都整，係你咁認真下下衝到盡唔用下個腦先咁無癮，係咪啊飛宏，阿榮』有個叫kinglam嘅新兵講
『我唔喝住你，你跟住哥斯拉同Jason跑左上去啦kinglam哥』陳宣宏回應
其他人都開懷大笑，但係見到我就停左。
『我地到左終點』
『點解？』
『你話上去見你，但宜家幾百人都跑緊上山，你重係台上面同我傾計，姐係話終點唔係山，宜係以見到你為目標』
『唔錯』我拍手説
『咁我地算唔算達成目標？』
『我話未達成你宜家係咪跑上山？』
『我一個跑重有機會趕得切』
「你係咪痴線？」我心諗
『我又無話你未達成』
『係呢到嘅六十人，你地全部都合格 ! 』
『而合格嘅人，我會根據你地嘅潛能同天份去訓練你地，你地可能會個別去訓練，訓練會辛苦過呢啲跑緊上山嘅新兵，但係你地嘅能力我相信你地一定做得到』
『盡情變強啦！，變到一個地步我可以好驕傲同其他人講你地係我嘅學生』
『Yes sir，Thank you sir！』