《亡命者》「選擇」「領袖」: 第十四章 訓練篇（３）

而個三百人跑到上山，等待佢地嘅只係一個路牌。

「請返回軍營報到，最後二百位會接受懲罰」

小部分新兵知道自己瀨左嘢就即刻回程，包括哥斯拉同Jason。

但因佢地都有加重的背囊，而且早已用盡力氣，支撐佢嘅動力只係唔想比人罰。

每個新兵都開始有想放棄嘅念頭，唔想繼續訓練，有唔少新兵都阻止自己呢個念頭，因為佢地都知道。





呢個唔係遊戲，係真係會死。

佢哋只能咬緊牙關，突破自己嘅極限跑落去。

有唔少平時唔做運動淨係讀書的新兵都開始掌握到要訣，速度跟得上哥斯拉同Jason呢兩個平時成日行山的老手，當然佢地兩個都出盡食奶嘅力跑落去。

呢個時候詭異的事情發生左，一隊十幾人的新兵逆流而上，同呢班爭先恐後的新兵唔同，佢們的氣氛唔似係要贏，反而似係練習身體協調同肌耐力，令係佢地身邊經過的新兵都滿頭疑問，但因為唔繼續跑又會輸，佢哋都選擇不理會繼續跑落山。

『南南，每一步隻腳踩曬落地先，如果唔係好浪費體力』madam poon對南南説





『係唔係咁？』南南做一次madam poon的示範

『係，做得唔錯』madam poon 舉起手指公説

『肥巫，唔好大力踩落地，你嘅膝頭哥關節好易勞損』榮sir同肥巫説

『ok』肥巫回答

『我地有兩個遠足教練係唔同啲』kinglam睇住呢兩個教練説





『緊係啦，以前跟佢地行山真係想死』飛宏回想起遠足二級不禁打冷震

Kinglam都回想起個段被人鬧的日字，説：『唉，大家咁話』

飛宏望住係前面一路跑的樂兒，對她説：『樂兒，唔好去咁盡，一陣重要返轉頭』

一直跑的樂兒開始減慢速度，跟榮sir同madam poon一樣的節奏。

一直跑的Kinglam對身邊的飛宏問：『我地洗唔洗追返鄭家榮佢地？』

飛宏輕輕喘氣説：『唔洗啦，candy同兔仔應該就見到』

飛宏講完就已經見兩個女仔的背影，佢哋兩個都係原地休息，仿佛係短時間內做左極大運動量。

Kinglam立刻問呢兩個女仔：『你兩個有無事？鄭家榮呢？』





免仔搖頭説：『無事，阿榮已經跑左上去好耐』

心姐望向飛宏説：『阿榮有無咁快呀？佢啱啱重問教官要求加重量』

Kinglam得戚回應：『緊係啦，我地不嬲屈機嫁喇，係我同飛宏未出盡全力咋嘛，係咪呀飛宏』

『係呀，係呀』

不知不覺間巳經跑到上山頂，見到個路牌。

Kinglam指著個路牌大笑地説：『真係想睇返啱啱班新兵個樣』

飛宏笑著附和：『佢哋嘅反應應該勁好笑』





馬嬲嚴肅地説：『你地唔可以咁樣笑佢地，上帝創造人類唔係比你地互相恥笑，根據聖經記載………』

飛宏立刻説：『得得得，我地揾返鄭家榮先，之後就落山』

南南聽見回應：『洗鬼搵咩，係個邊做緊掌上壓呀』

飛宏望向南南所指的方向，見到鄭家榮真係做掌上壓，身上的汗水不斷滴在地上，只見呢個男人咬緊牙關撐下去。

『49！……』

『50！！！！』

做完50下就立即攰到訓在地上，不斷深呼吸喘氣。

『你地…呼呼…終於嚟到』





Kinglam低著頭問：『死得未呀？』

鄭家榮説：『緊係未啦…頂你』

Madam poon拎起背囊的水樽，拋向鄭家榮，對他説：『家榮，接住』

鄭家榮接起水樽一聲感謝就喝起來。

其他人都坐在地上休息，雙腳肌肉不斷抖震，身上的汗水不斷流出。

飛宏坐在地上説：『頂住呀，搞掂左一半嫁喇』

樂兒接住家榮飲到一半的水樽，喘氣説：『究竟我哋咩住幾重嘅背囊？』





榮Sir 拎起樂兒的背囊説：『呢個二十幾磅到啦』

樂兒驚訝地説：『咁重！我平時都咩唔到』

榮Sir解釋説：『正常呀，有壓力先會進步，佢用咁樣的方法就有呢個效果，呢個陳曉輝教練重教得好過我，訓練軍隊嘅教練係唔同啲』

一邊拉筋一邊聆聽的鄭家榮笑著説：『檢討下啦，蔡國榮，你好渣呀』

Kinglam都恥笑説：『啱呀！』

蔡國榮想反擊的時候，madam poon就已經用媽媽的語氣説：『掌你兩個咀，咁同榮sir講嘢』

Madam一邊講一邊用右手輕打這二人。

二人立即齊心護頭説：『sorry madam，唔挽』

所有人見到呢個畫面都開懷大笑，如果唔係身穿軍服，佢哋返而似一班普通行山的團體。

眾人笑嘻嘻過後，都知道差唔多要落山，要休息嘅都休息夠，眾人收起笑容，咩返背囊，準備落山。