《亡命者》「選擇」「領袖」: 第十七章 兵器

『第二種，係跪姿，準繩度，隱藏度同站姿基本上係一樣，只係我地平時打wargame個陣唔好企係到做活靶，需要時重可以做個翻滾避子彈』

飛宏按著被打的右臂説：『係得你一個先可以打wargame避子彈』

鄭家榮説：『唔係好難姐，練習到嘅』

『練？，點練呀？』

『食返三千幾四千槍就無問題』





飛宏按著額頭無奈地説：『咁第三種姿勢係咩』

『站姿，姐係企係到射，除左視野不足同打游擊戰先會用到，但係缺點都好明顯，隱藏度同準繩度都低到喊出嚟，用步槍都好過佢，但係如果練得好的話可以準過步槍，而且我地打嘅都係近戰型的綠眼人，活靶呢個問題就可以無視』

『咁我宜家練返我平時唔熟嘅站姿？』

『錯，我啱啱講嘅只係狙擊手姿勢最基本，你除左要練返你唔熟的站姿，重要練埋移動射擊』

『移動射擊？，就係你以前周圍閃嚟閃去係人都打你唔到個？』





『係，呢個可以令你嘅速度同瞄准能力提高，如果你訓練得完美就可以令你拎槍跑的時候更加自然，開槍的時候瞄准更快更準，但係要睇你有無開槍的天份同動態眼力的天份』

『老細你講野好空泛喎』

『所以呢個咪就係你打我唔到嘅原因，你練下站姿先啦，呼吸方法我教過你，到時你一百米十槍十槍爆頭我再教你移動射擊』

『OK』

指導過後我亦都開始自己練習，嘗試練習唔同的槍，令自己唔好用死一種，我唔知自己幾時會無左自己熟手的武器，但最起碼靠練習去令自己有基本的概念。





轉眼間一小時過去，要教嘅都教曬，之後就要睇下佢地自己練成點。

樂兒過嚟拍我的膊頭説：『家榮，六點二十分啦，還埋槍去食飯啦』

我轉身説：『好呀，你練成點？』

樂兒失望地説：『差十槍先得』

我摸樂兒的頭，安慰她説：『唔緊要啦，我又無話要今日內練到，係咪？』

樂兒聽後甜笑：『你係咪一早估到先咁講嫁』

我拖著樂兒的手説：『傻既，我知道你為我盡左力咪得囉，係咪？』

樂兒很受落地説：『口甜舌滑，算你啦，還埋槍去食飯啦傻佬』





『係既，傻妹』

樂兒左手拖住家榮，右手拎MP5，家榮的左手拎狙擊槍，二人並肩而行，把後面一行人的眼晴幾乎炸盲後面的同伴。

Kinglam大聲說：『鄭家榮你好啦下，你唔好顧下兄弟感受都顧下後面班靚妹嘅感受呀』

榮Sir：『kinglam 今次又有道理喎』

可惜，鄭家榮同樂兒已經聽不見任何的聲音，也許只是kinglam講得太慢，眾人只能承受閃光彈默默跟著。
。
。
。
。
「咚咚咚」





一位士兵敲門説：『陳曉輝教官』

我應聲説：『入嚟』

這名士兵立正説：『教官，你叫我來有甚麼事』

陳曉輝睇住手上的檔案，裏面有齊新兵的資料，曾經就讀過的學校，參與過的學會，學校的優點缺點，擅長的運動，科目成績。

我問眼前的軍人：『你點睇呢班新兵？』

『我認為佢地一個月之後只有三分之一嘅人係真正完成訓練，sir』

我點頭。





『我認為有人係會訓練完個陣都唔識開槍，sir』

『我有分數，你過去飯堂幫我拎個飯先』

『Yes sir』

等待他離開後，我拿起旁邊的電話，有軍事通訊器聯絡新政府。

打通後，出現一把男聲，精簡地問：『編號』

『上水軍營訓練教官陳曉輝』

『有事報告？』

『係，我要求補給』





『名單？』

『我要一堆…冷兵器』

『原因？數量？』

『新兵唔識用槍，四百件武器做第一批』

在電話中聽見鉛筆書寫，似乎係到記錄低要用的名單。

『一個小時內我會聯絡其他國家，三十小時各國的軍用運輸機會空投各倖存區同訓練區』

『了解』

我説完後就收線，等待軍用運輸機的來臨以及準備之後訓練的項目。

但準備前，我站起身，走到椅後的窗口，拉開窗簾，熾熱又正義的陽光投射到我的房間，但無阻我對新政府的懷疑以及新政府係人民身後做的陰謀。

我右手按窗，看著一望無際的天空。

『究竟新政府係我地身後做左啲咩？』

『究竟呢班怪物係點嚟？』

『究竟新政府嘅目的係咩？』

呢個時候軍事通訊器再次響起，呢次會係一場誤解定係一場陰謀。
。
。
。
。
我看見阿榮去飯堂時突然抬頭看一望無際的天空，一臉匪夷所思的樣子。

樂兒看見阿榮發呆就拉一拉佢，説：『你有無事？』

阿榮頓時回想過來，對樂兒説：『Sorry，無事』

我聽見後立即説：『家榮哥你係咪諗緊其他女呀？』

阿榮轉身微笑對我説：『kinglam，我還左槍姐，但係我近身格斗好似無對手』

鄭家榮啪手指走過來。

我舉起雙手説：『我錯，唔挽』

阿榮保持微笑地説：『醒目，去食飯啦』