《亡命者》「選擇」「領袖」: 第十八章 MK仔

係我對會用759咖哩煮飯的飯堂不抱任何期望，以重食得到的心態食左餐飯就算。

點知今晚十三人坐係椅上，凝視著枱上用鐵蓋撳住的五碟食物同一碗湯，我們幾人深呼吸，用手把最近自己的鐵蓋拎開。

我定眼一看，蒸水蛋，豉汁排骨，炒菜芯，番茄炒蛋，甜酸排骨，無花果木瓜腩肉湯，去camp幾乎成日食到嘅普通菜單。

飛宏説：『試淡好喎，可能蒸水蛋未熟，排骨調味落太多糖，菜芯太老，番茄用罐頭貨，甜酸排骨得酸味，個湯可能煮到連腩肉都溶遠』

我同鄭家榮都目定口呆，平時見咩食咩人稱雜食性生物嘅飛宏原來一直都係最強的食評家？！。





鄭家榮搖頭説：『早知係咁以前煮野食就交比飛宏啦』

我激動地説：『咪就係』

我激動地説時令口中的口水飛到旁邊的馬嬲的臉上。

馬嬲説：『kinglam 你啲口水啊！』

説完就拎起我件衫抹自己的臉。





詩詩用筷子夾起一舊豉汁排骨，放返口中，咀嚼一會兒後説：『OK嘅，不過不失』

Madam poon 起身説：『我出去幫你地潷飯先』

鄭家榮都幫Madam手出埋去，我地分筷子嘅速度一氣呵成，candy重話要減肥飲湯先。

一輪分工後，眾人終於可以坐低準備食飯。

榮Sir説：『咁今次邊個隊員祈禱？』





榮Sir慢慢望向詩詩。

詩詩舉起雙手搖頭説：『今朝個餐我祈左啦，今餐到你地啦』

詩詩又望向心姐説：『心姐啦，佢可以試下呀』

心姐馬上驚愕地説：『吓！，唔好啦』

心姐望向南南説：『我唔識呀，你幫我呀』

南南回應説：『你都痴線嘅，搵阿榮唔好？』

鄭家榮一聲嘆氣，對大家説：『讓我們低頭祈禱』

鄭家榮低頭説：『親愛的主，感謝你比左勇氣用力量我地去完成今日呢個挑戰，主啊你要知道，香港重有好多人都未接受現實，求主你可以賜力量比佢地，亦求主潔淨枱上的食物，賜力量同知慧比呢啲迷途小羔羊，以上祈告，奉主名求，阿們』





『阿們』

我説完阿們後就用筷子夾起最近自己的蕃茄炒蛋。

『車，同平時去飯堂食個啲都一樣嘅』呢個係我嘅食評

鄭家榮回應説：『好過今日啲759咖哩包啊大佬』

飛宏食著排骨説：『阿榮講得啱呀』

Madam poon説：『飯堂煮嘢食不嬲都係少糖少鹽』

但現場有唔少人都食飯食到想打交，正常嘅，三唔識七坐埋一枱前提重經歷左一輪訓練。





『你食咁多甜酸排骨做咩呀？！』『你啲食飯聲真係好嘈呀』『你啲口水呀！』『你啲飯呀！』

我感歎地説：『睇嚟香港人真係好大壓力』

説時遲那時快，個兩個鬧交嘅新兵都已經準備開打，佢哋兩無論髮型定係講嘢方式都我肯定佢地係典型MK仔。

我分析説：『無理由嫁，以典型MK仔的特徵係中意叫人幫手嫁喎』

『兄弟！』左面嗰個右耳有耳環的MK大聲説

『係嘅大佬！』大約十人應聲起身

我簡稱為耳環男。

而右手邊頸上有個「軒」字紋身的MK仔都不甘示弱。





『兄弟！，比啲利害佢地睇下！，等佢地知道我粉嶺軒少係咩料！』

『係嘅軒哥！』大約十數人應聲站起來

雙方在飯堂中間對持，唔少坐附近甚至係隔離的新兵都紛紛走避，而我們坐的位置大約在十米以外，所以我們都放心可以唔洗走。

有唔少人係我身後睇戲，重想夾我啲餸，我一掌打落呢條蛋散個下巴到，打到佢四腳朝天，而對面的鄭家榮已經係最近嗰個，佢間唔中轉身望下再轉返身繼續食飯，神情無有任何驚慌。

我流著冷汗説：『格斗學校出嚟係唔同啲』

飛宏食飯説：『難得食飯可以有戲睇重有飯食，何樂而不為？』

Madam poon 似乎想説甚麼，但都無出聲。





榮Sir就跟我們一樣做花生友，但如果情况太嚴重榮sir都係會出去阻止。

係我注意完呢啲事後，原來雙方都已經開打，由於雙方人數都差唔多，實力都比較平均，因此雙方都爭持不斷，我身後更加有軍人開賭局賭邊隊贏。

雙方出盡法寶，扯頭髮，插眼，撩鼻哥呢啲都係碎料，宜家係飯堂重拎埋圓椅用。

唔少新兵都企係我後面，係咁講話唔好打，但翹埋雙手係到食花生，傳説中嘅口裏說不，身體卻很誠實。

老實講，得二十幾個MK仔嘅鬧劇我真係無乜心機去睇，嚟嚟去去都係個幾招車椅，佢唔悶我都悶啦。

榮Sir見打到差唔多就叫最近呢班MK仔嘅鄭家榮去阻止佢地繼續打。

『由佢哋打多陣啦，阻人打人交燒褲袋嫁』這就是家榮哥

突然，耳環男其中一個手下大力向外揮，唔小心把手中的圓椅飛出，而將會擊中的位置是

樂兒

「嘭」