之後照舊星期一,三,五同呀琳補習,
Candice間唔中會問下我點
的而且確我同呀琳個關係好左
熟絡左唔少,
始終補習嗰度幫左我好多
補完又喺附近嘅商場行一陣
而家同佢講野冇以前咁拘謹,
諗番起之前真係好好笑
都唔知淆乜春
講開又講,


我喺唔知情嘅情況之下做左中文科科長
諗諗下都唔係唔好嘅
工作量又少
有中文功課未做又可以抄其他同學
初初仲覺得可以承承機機睇呀琳啲作文,隨筆
因為我成日覺得,
睇一個人寫野,
係可以了解嗰個人嘅內心世界
不失為一個直接嘅方法
不過最後覺得好似好冇品同好唔尊重呀琳,


所以都係冇做
跟住落嚟都冇乜特別野發生,
我都輕輕帶過就算啦,
費事悶親你地
反正又唔係啲咩重要野,
唔使咁詳細啦

咁有一日,
我同呀琳補完習,
補完慣例喺附近行一陣先返屋企


行行下,
我個腦叮一聲
係喎,
識左呀琳都一段日子,
都唔知佢幾時生日
以前冇facebook,
如果唔熟的話,
好難知度啲人幾時生日
唔同而家,
上下啲社交網站就知,
不過我自己睇法,
以前問生日個方法係刺激啲
一來難啲,
有時真係要親口問先知,
得來不易個感覺永遠都係好開心


同埋一定好珍惜
依家雖然好易就知,
上過網就搵到,
但感覺上冇以前咁興奮,
咁我就親口問呀琳幾時生日啦
呀琳:「做咩呀 好想知咩
我:「唔係呀,問下咋嘛
呀琳:「有冇禮物先
我:「傻啦點會有
呀琳:「又冇禮物,又唔想知
咁我唔答嚕
我:「唔好啦我想知喇
講啦講啦
呀琳:「真係想知
我:「真,唔會呃你


唔知點解,
我每次講完「唔會呃你」,
佢就會即刻信晒
呀琳:「其實我啱啱過左生日......
我:「下真係架
呀琳:「真呀,
上星期六
上星期六即係十月十四日
明白
嗰下心情好矛盾,
一方面就好開心
知道佢幾時生日,
另一方面就好嬲
原本想同佢慶祝生日
點知啱啱過左


即係要等成年,
死人Candice唔同我講
唔係喎,
可以後補嘅啫
雖然點都冇正日咁好,
不過總好過冇
我:「行啦,陪你買禮物
呀琳:「唔使啦我講下笑咋
我:「要嘅要嘅,
生日冇禮物點得
呀琳:「有心就得啦,
下年先啦
我:「下年先再慶祝過,
嚟啦行啦
呀琳:「咁你幾時生日


我:「二月二十囉
呀琳:「哦,原來係二月二十
我:「想記住等遲啲送野俾我
我唔拘架喎
呀琳:「鬼得閒記住呀
之後我帶左佢去蛋糕店,
我:「想食邊個呀
呀琳:「朱古力啦
好彩平時有留食飯錢
如果唔係都唔知點請
冇理由要生日嗰個請架
自己又冇得做威水
之後我地去左商場個天台食,
嗰度好靜
冇乜人嚟,
呀琳:「其實我好鍾意食甜野架
我:「點解
呀琳:「你唔覺得食甜野會令人好開心嘅咩
我:「係咩,
我冇諗咁多呀,
我淨係鍾意食甜野咋
事後我先知呀琳真係好鍾意食甜野
基本上冇甜不歡
我:「你成日食甜野,
又唔係好肥咋喎
呀琳:「好彩咋,
如果唔係都唔知點減
一減就冇得食
我:「不過你而家都好似肥左少少喎
呀琳:「下 真係架
我:「有啲野唔知講唔講好......」
呀琳:「講啦我接受到喎
真係肥左
我伸個頭埋去同佢講:「假架
聽完之後佢作勢打我,
呀琳:「衰人衰人衰人
嚇死人喇
我:「講下笑咋
你皮包骨咁點會肥
呀琳:「唔理你呀,嬲你
我:「唔好嬲啦
呀琳:「唔得呀
頭先嚇死我喇,
仲要講到似層層咁
我:「聽人講愈嬲就愈肥
呀琳:「仲咒我喎
話我皮包骨丫拿
我一個食曬個蛋糕佢
我:「咁大食?(巴打們唔好諗衰野)
呀琳:「睇小我咁話喎
我:「唔好啦,請少少我食啦
呀琳:「唔係唔得嘅,
不過要罰你呀
我:「罰咩
呀琳:「唱生日歌俾我聽
我:「我唱歌好難聽喎
費事嚇親你
呀琳:「生日梗係話事嗰個
唱啦唱啦
我:「真係唱
呀琳:「唱啦
唔笑你,
不過要認真啲唱喎
之後我就唱左,
平時屋企人生日都冇唱
呀琳你就威啦
我:「點呀滿唔滿意
呀琳:「好好聽呀
我:「又話唔笑人
呀琳:「認真呀
真心好聽
我:「係咪架
呀琳:「真係
唔好玩喇食蛋糕啦
之後我地兩個人食一個蛋糕,
咁梗係兩個叉啦
不過都咪話唔飽
呀琳:「食飽飽,好味呀
我:「梗係啦,
我揀得好
呀琳:「好似我揀架啵
我:「至醒就你呀
食完之後就返屋企,
行到去巴士站嗰陣
呀琳:「多謝你呀今日
真係好開心
我:「下次再食過囉
呀琳:「好呀
拜拜
我:「拜拜
呢日真係好難忘
你見我隔左咁耐都仲記得啲細節就知啦,
老實講,
我真係好想再唱多次生日歌俾你聽.