我返到去就打俾Candice,
我:「喂大姐今次唔掂喎
Candice:「做咩呀
講啲唔講啲.」
我:「呀琳上星期生日唔同我講嘅,
仲諗住同佢慶祝添
Candice:「死火
原來我就係漏左呢樣冇講,
原本真係想提你
Sor sor sor


我:「講下笑啫
你已經幫左我好多啦
點會怪你,
唔驚你同你呀媽投訴我呀
到時你呀媽同我呀媽講返,
咁我咪死
Candice:「算你識做啦死仔
咁點呀,
最後有冇同呀琳慶祝呀
我:「有呀


請左個蛋糕佢食
Candice:「佢實好開心喇
我:「點解
Candice:「佢超鍾意食甜野
我:「佢都有同我講過
Candice:「竟然講俾你聽
我:「唔係好明呢句,
咩叫竟然
Candice:「以我所知,
呢啲咁個人口味嘅


呀琳佢好少會同人講
你知啦,
佢唔係一個成日同其他人講自己野嘅人嚟,
佢之前同我傾計嗰陣,
亦都親口承認呢點
我估你喺佢心目中應該有一定份量
我:「可能佢見我請佢食蛋糕先講啫,
因為蛋糕本身都係甜野
Candice:「咁都唔出奇,
不過我覺得我嗰個答案合理啲囉
女人直覺唔好唔信呀
雖然Candice講到似層層咁,
不過我始終唔敢有非分之想
同埋與其表白,
不如繼續留喺佢身邊算啦


冇錯,
表白一旦成功的話,
我就可以做佢男朋友
但現實上,
唔會成日都咁好彩丫嘛
萬一唔成功,
我地之間個關係就會出現裂縫
到時大家見到盞面左左
比起同呀琳拍拖,
我更加唔想出現呢個情況
你地可以話我唔夠吉士
咁都唔搏,
但話明係搏,
就梗係有風險架啦
我真係好擔心出現呢個風險


所以寧願乜都唔做,
等件事自然發展
咁咪唔使煩囉

到左十月尾十一月頭,
就係我地學校考試嘅時候喇
有樣野可以講下,
上年我讀普通班嗰陣,
讀書風氣真係冇咁犀利
同學對於分數嘅追求唔係好大,
大部份同學條線都係合格就可以
但今年讀左精英班,
可以話係兩碼子嘅事
讀書風氣濃左好多,
你真係見到成班同學圍埋喺度


討論一啲學術性嘅話題
對於平時小測啲分睇得好重
唔好話小測丫,
一份功課都好緊張
我又覺得好似過左少少火位,
不過大家睇法唔同
冇所謂丫
我喺我嗰班入面,
成績只係中等
談不上好標青,
相反呀琳就名列前茅
一向都係頭五名嗰啲(Candice都係)
咁有一日老師上堂嗰陣就講喇:「下星期就考試喇
你地好快啲溫書啦.」
講左之後呀琳就擰轉頭問我:「樂仔你溫左書未


我:「未呀,
做咩呀?」
呀琳:「咁有信心
我:「傻啦係我懶啫
一返到屋企就唔想溫
老實講,
上學期我都係因為自己好想同呀琳一班先至咁努力溫書,
同埋有Candice督促住我先咁勤力
咁今年都目標達到,
就梗係放鬆架喇
同埋我係要有人逼嗰啲嚟嘅,
簡單嚟講即係自律性唔夠
呀琳:「屋企好多誘惑咩
我:「都係架,
一返去我就好懶架喇
呀琳:「咁呀,
不如今日放學一齊溫書囉
我:「ok嘅,
叫唔叫埋Candice呀
呀琳:「佢鍾意自己一個溫書架
識左咁耐都未試過一齊溫書
呀琳同Candice真係好frd,
大家都好了解大家
所以唔會逼對方做啲唔鍾意嘅事,
我覺得真正嘅好朋友就係要咁喇
我:「難得今日唔使補習,
去溫書囉.」
呀琳:「好呀