[真人真事][校園][純愛]《最陌生的人，就是曾經最熟悉的人》: 第二十章

呀琳撳左門鐘之後,
不出三秒佢呀媽就開門
琳媽:「呢位梗係樂仔喇
入嚟入嚟 」
我:「伯母早晨 」
琳媽:「唔使咁客氣喎
呀琳成日喺我面前提起你
坐喺張梳化度啦,
當自己屋企就得 」
原來呀琳媽媽咁鬼熱情


之前仲擔心佢係tbb嗰啲惡死嘅女人
呀琳:「喂呀媽咪 」
琳媽:「得得得
講多左講多左
樂仔可樂啱唔啱飲 」
我:「ok呀伯母 」
琳媽:「唔好介意呀
我屋企淨係得可樂,
鬼叫呀琳最鍾意就係飲可樂 」
我細細聲同呀琳講:「你真係好鍾意飲可樂喎 」


呀琳:「咩喎,好正常啫 」
琳媽:「唔好意思呀
得返一罐可樂
你地分嚟飲啦 」
之後呀琳快過小明咁入去雪櫃到拎多罐可樂出嚟
呀琳:「媽咪,咁呢罐係乜野 」
琳媽:「玩下啫哈哈 」
呀琳:「明明我尋日入去雪櫃拎可樂嗰陣,
見到仲有七,八罐 」
琳媽:「呃你唔到添


好喇,
我都唔阻你地喇
你地玩得開心啲啦拜拜 」
呀琳:「拜拜媽咪 」
我:「拜拜伯母 」
之後呀琳媽媽就走左
我:「你媽媽真係幾玩得 」
呀琳:「係呀
有時出街,
啲人都覺得我同佢似兩姊妹多啲 」
我:「會唔會係你老咋 」
呀琳:「唔好笑喎無聊鬼 」
佢仲要扮嬲去講呢句
個樣好可愛
我:「講笑咋


不過你媽媽真係好後生 」
呀琳:「係呀
可能就係因為咁,
所以就幾玩得 」
我:「你媽媽同你有啲似.」
呀琳:「咁梗係啦,
我係佢親生女呀嘛 」
我:「一樣咁靚 」
呀琳陰陰咀笑講:「口甜舌滑.」
我:「認真 」
呀琳:「係喇,
不如搞好部琴先 」
我:「好呀 」

之後我地搞左一輪部琴


淨係個位都搬左幾次
又呢樣又嗰樣
不過等陣可以聽到呀琳彈琴,
就乜都抵返晒啦
好喇終於搞掂
呀琳:「唔該晒你呀樂仔
終於可以彈佢嚕 」
我:「等左你彈好耐呀 」
呀琳:「真係咁鍾意聽 」
我:「係呀 」
呀琳:「咁你想聽我彈乜 」
我:「我又唔知你可以彈乜類,
你知我啦,
對音樂一竅不通 」
呀琳:「咁呀......


二揀一,
古典定係流行曲 」
我:「流行曲啦
古典我識佢佢唔識我 」
呀琳:「你想聽邊首 」
我:「邊首都得
你話事啦 」
呀琳:「國語啱唔啱 」
我:「冇所謂呀 」
只要係你彈就得,
當然我邊夠膽講呢句出口
不過講真,
我自己鍾意聽廣東歌多啲
算啦,
呀琳話彈國語歌就國語歌啦,


不過嗰陣我就奇喇,
點解彈鋼琴要分廣東歌同國語歌
跟住呀琳就解答左我呢個疑問
因為佢邊彈邊唱
講你都唔信
呀琳唱歌係好好聽
果然有音樂根底
有關音樂嘅嘢都冇乜邊樣係做得衰
用天籟之聲嚟形容都冇乜錯
而且感覺到佢應該好鍾意呢首歌
唱到好有感情
你唔好問我點樣感覺有感情
我都答你唔到
你只要身處當時你就知架喇
依家事後好難去形容
至於佢唱乜你就唔好問我喇
唔關呀琳事,
佢一啲問題都冇
個問題係出喺我身上
事關小弟啲普通話非常渣
聽寫都係,
我嗰一刻淨係知佢唱得好好
其餘就乜都唔知喇