心的距離: Behind the Scene - 03

「呯！」
「喂？阿基？你無嘢嘛？阿基！」
我心知不妙。
我害怕阿基出了事情，更是害怕就這樣失去了一位朋友，一位令我開懷的朋友。我害怕跟他的快樂時光就這樣草草結束。
我到這時候才明白，他不只是幫助我從工作中解脫的人，更是我的「出口」——所有快樂的不快樂的，我都可以無所顧慮地跟他暢談。
更明白在茫茫人海中找一個投契的人，是多麼的困難。
電視劇中，往往都是在危急關頭才知那個人多麼重要，我向來都不以為然，直至我在現實中經歷一次。
我乘的士來到小巴站頭，剛好遇上發叔的小巴。
「發叔，阿基係屋企暈低咗，你有無佢屋企鎖匙？」
「吓，阿基暈低咗？你等陣......」發叔隨即在褲袋中找到一串鎖匙，並把其中一條給我。




「呢條就係.......佢就住喺呢到對面，麻煩晒你啦小姐。」
「唔洗，有咩事我再搵你。」
說罷，我隨即跑到對面馬路，三步拼兩步地跑上唐樓的樓梯，轉了幾圈後，終來到四樓。
我用手上的鎖匙開啟大門，即走進屋內。
他就倒在睡房門口。
我立刻箭步上前，拍著他的手臂，拼命地叫他醒來。
他沒有反應，使我焦急得快要哭了。
良久我才看見他睜開眼。
我扶他回床上，並煮了粥，備了開水，然後到藥房買藥。
回來時，看見 Kevin 曾來電，於是我到客廳回撥給他。




「喂，你喺唔喺公司？」「我今日請咗假，有個獨居嘅 friend 病咗，我要睇住佢。」
「咁你同佢都幾 close 喎。」「佢一個人住嘛，萬一有咩事都有人照應嘛。」
「哦......我近來見你成日同個男仔影相，係咪佢。」「哦，係呀。」
「你而家係佢屋企。」「係。」
「你就咁睇住佢。」「係呀，你想講啲咩呀。」他似乎話中有話。
「我以為佢扮病叫你上去同佢——」
「你諗咗去邊呀，佢唔係啲咁嘅人！你點可以咁諗——」我氣憤至極，心想阿基才不是他口中的那種人，他對我根本沒有企圖。
「你叫我可以點諗呀！晚晚你 Whatsapp 都 online，但係成日就唔覆我，你夠膽講你唔係同佢傾？你而家仲要喺佢屋企！孤男寡女共處一室呀！」他歇斯底里地怒吼著。
「我對佢，只係朋友；佢對我，亦都一樣。係好在我知佢暈咗咋，唔係佢分分鐘死喺間屋到都無人知呀！」我開始怒得哽咽起來。
「咁你慢慢睇住佢，我唔阻你。」他就這樣掛了線。





我跌坐在地上，哭不成聲。
一個相交多年的男友竟然會這樣摹想我，跟我身邊的人。

我回到阿基的睡房，坐在他側邊。
他醒過來後，似乎看到我曾哭過。但我說沒有事。
我不想他知道，我跟 Kevin 因他而吵架。
我不想我倆以後每說一句話，每做一件事都要三思，因為怕被別人指責，怕逾越了某道界限。
我只想做中學時的那個無所顧忌的傻頭，想必他也是想做中學時的自己吧。
所以我著實不想我倆因 Kevin 而產生芥蒂。
但他還是叫我不要逞強。
於是，我跟他說我跟 Kevin 因約會的事宜而爭吵，但我邊說邊想著他剛才說的話，又不爭氣地流淚。

他就這樣聽著，默不作聲。
這已經很足夠了。