昨夜星辰恰似你: 10.
好奇心嘅驅使之下，我主動搵鄭梓𤋮。
「喂」下午2:40
「主動搵我，難得喎」下午2:45
「你⋯同啊誠點解會散⋯」下午2:46
已讀。
佢在線上，但係依舊唔覆我。
一分鐘，兩分鐘，三分鐘，四分鐘
第一次覺得等待係咁漫長。
「你真係想知？」下午2:59
「想知。」下午3:00
佢話故事好長，要由一開始講起。因為從一開始，就已經注定無結果。
-
2011.10月
「呢條係咁解」
「你專心少少得唔得」
「不如出來透下氣」我望住唐誠
佢一臉無奈，但係都陪我去咗冒險樂園玩。
為咗下星期嘅UT，我叫咗佢幫我補chem。
如果要講起同佢嘅淵源，都幾複雜。
「我想夾隻唐老鴨」
「自己夾」唐誠真係每分每秒都要擺出一副西口西面嘅樣。
咁我唯有自己夾啦，夾嚟夾去都夾唔到，我就咁企係部公仔機面前，望住入面嘅公仔。
佢睇唔過眼，一手捉住我隻手一路移動手勢，一路望住啲公仔嘅位置。
我望住公仔機入面反射嘅佢。
突然覺得，部公仔機就係呢個世界。
我企係公仔機出面，望入去眾多嘅公仔，而我淨係想要隻唐老鴨，即係佢。
但係原來有啲野一開始係錯，好似骨牌效應咁，你以後所做嘅每一件事，行嘅每一步都會一直錯落去。
最後佢一㩒個ok，又真係夾到隻唐老鴨。
佢拎住隻唐老鴨遞俾我。
「死蠢，咁都夾唔到」佢轉身就出咗門口
我當時一直望住佢嘅背影，呆呆咁企係原地。
「走啦」
「嗯」
-
考完UT，派卷嘅時候，望到chem卷嘅分，真係開心到想瘋狂係窗到大叫出去。
呢一刻，我想搵唐誠分享我嘅喜悅。
「今晚一定要請你食飯！」
我拎住份卷太過得意忘形。
佢望住我咁開心嘅樣，不知覺咁輕輕笑咗一下。
「好」估唔到，佢咁爽快就答應咗。
放學之後，就去咗食定8。
我叫咗吉列豬扒餐，佢叫咗鯖魚餐。
「你又會答應我嘅」
「因為係你叫」
「...」
佢明明低頭夾緊鯖魚嚟食，又冇正面望住我，我竟然覺得有啲怕醜。
仲之，成餐飯嘅氣氛都好奇怪。
食完之後，佢就送我翻屋企。
一路上，我地一直沉默。
「今日個月亮好靚」佢開口
「靚咩」我望一望個天，個月亮又曚又暗。
「我意思係，我鐘意你。」佢突然停下腳步，捉住我隻手
好再係夜晚，面紅都無咁明顯。
我沉默
「要唔要試下做我女朋友」
「我都覺得今晚嘅月亮好靚」
嗯，今晚嘅月亮，真係好靚
講唔清楚點解我會鍾意唐誠，佢都一樣。
一齊嘅原因，大概係大家都對大家有feel，係等邊一個先開口，叨大家關更上一層樓。
-
「估唔到唐誠個死仔都幾識追女仔」
下午3:15
「嗯」下午3:15
「你地都幾sweet啊」下午3:16
「嗯，一開始」下午 3:18
-
2011.2月
一開始，我地都係平平淡淡咁。
因為佢唔想比其他人知道我哋一齊嘅事，所以學校我地好避忌，放學我哋都會分開行然後先再一齊走。
有一日落好大雨，我無帶遮。
遠見佢同一大班朋友一齊行，我就自己衝咗出學校門口。
突然有人擔住把遮遮住我，我抬頭一望，係唐誠。
我未嚟得切開口。
「你傻撚咗啊？」佢一手攬實我。
由個一刻開始，我就徹底淪陷。
然後，我就越嚟越鍾意唐誠。
但係佢依然都係咁，唔會講啲咩情話，又唔會主動約下我出街，即使係學校依然當我係陌生人。
漸漸地，我覺得佢唔係我想像中咁鍾意我。
所以我會專登同啲男同學好close，玩得好埋，另到佢呷醋，可以在意下我。
但係佢每一次都無動於衷，我簡直覺得佢根本就唔在乎我。
每一個戀愛中嘅女仔，時間耐咗，安全感就會逐少逐少咁慢慢流失，所以佢地都會用盡方法去將呢啲安全感拎返返嚟。
只不過，方法用錯曬。
慢慢，唐誠更對我越嚟越冷漠。
最終我地係誤會之間錯失咗大家，緣份終究同我地失之交臂。
「你大把仔啦。」
唐誠以為我對每一個男仔都一樣， 甚至對佢都係一樣。
所以佢覺得我，並唔係真心鍾意佢。
「你有緊張過我咩。」
我以為唐誠根本就唔care我同其他男仔咁close。
但原來佢只不過係唔表現出嚟。
-
短短三個月，就好似過咗三年。
無人知道我同唐誠一齊過。
原來你唔失去一樣野，你永遠唔會知個樣野對你嘅重要性。
人就係咁犯賤。
「我求下你⋯俾次機會我」
我拉住唐誠隻手
「呢到係學校」
「我求下你⋯俾次機會我」
佢擰轉頭，用嫌惡嘅眼神望住我，眼中再無一絲愛意。
我鬆手。
佢頭也不回咁離開班房，而我默默企係原地，渴望佢會回頭望我一眼，那怕一眼。
佢無。
我成日諗，點解佢連一次機會都唔俾我。
原來鍾意一個同唔鍾意一個人原因都一樣，就係無原因。
-
「佢個仆街仔..」下午 3:45
「係我錯再先」下午 3:46
「你仲鍾唔鍾意佢」下午 3:48
佢off咗，然後好耐都無再上線。
「鍾意。」下午 9:00
-
原來愛一個人，更要相信佢對你嘅愛。