昨夜星辰恰似你: 11 .

自從尋日同鄭梓𤋮傾完，就拉近咗我地之間嘅距離。

但，並唔係心嘅隔離。

然後我發覺，我越嚟越緊張佢，甚至想保護佢。

星期一，日復一日又係災難嘅開始。

由f1到f5，我每日都同唐誠肥東一齊翻學，但今日嘅我竟然唔太想面對唐誠。可能係因為佢咁對鄭梓𤋮，又或者，係我嫉妒。





「今日我自己翻先啦」我話

「ok」

「嘟嘟嘟...」死肥仔又cut我線

今日全日我個腦都係唐誠，鄭梓熙...

鄭梓熙⋯





我到底係咪鍾意鄭梓𤋮⋯

我諗起黃思講嘅野。

「喂鄭梓𤋮」

「做咩」

就係咁，我一直望住佢。





：「眼入面淨係得佢一個，見唔到其他任何野。」

「嗯」

「吓？⋯」

原來真係，原來真係會。

唐誠係我兄弟，鄭梓𤋮係我鍾意嘅人。

成件事真係好老尷。

-

「唔好再發呆啦」黃思打咗一下我額頭





然後拉咗我出走廊。

「點啊？無事我入翻去」我諗住轉身

「仲有一個星期就2月14情人節啦⋯你無諗住整朱古力俾梓𤋮咩」

「吓？俾佢？」

「咪扮啦，知你鍾意佢」佢拍咗下我膊頭

「我唔識⋯」

「就知你唔識啦，放學一齊買材料教你啦」





「好兄弟」我搭住佢膊頭。

-

放學鐘聲一響，我就9秒9執野走人。

「死仔」肥東喝停咗我

「就快二一四啦，我要整朱古力俾我女神，預埋你架啦」

「預乜」

「一齊整囉」

「不了，我有大師拯救」





最後我都敵唔過肥東嘅纏繞法，同佢一齊去搵黃思。

然後就去咗附近嘅一間材料鋪頭買野。

「你女神鍾意食咩朱古力？」黃思問肥東

「佢最鍾意係流心白朱古力，其次係士多啤梨軟心朱古力，最憎係苦朱古力，然後⋯」

黃思stop咗佢。

「佢呢」我問

「85度流心」黃思一路睇一路將材料放入我手拎嘅籃到。





「你呢」黃思問

「同佢一樣」

黃思抬頭望一望我，忍唔住笑咗出嚟。

埋頭嘅時候，成幾皮野，真係內心淌血，整舊朱古力不如賣箱朱古力仲抵。

-

接落嚟嘅幾日，一放學我同肥東就會去黃思租咗嘅烘焙室整朱古力。

呢一刻，我終於明點解朱古力點解咁貴。

因為真係好撚難。

因為大火咗少少，因為放耐咗少少，啲朱古力都唔用得。

我已經重新買過咗無數包朱古力，真係dum錢落鹹水海。

「點解你會知我鍾意佢嘅⋯」我實在忍唔住問

「有幾難知啊⋯你望住佢嘅眼神係特別唔同架」佢已經整完，甚至包好。

「你打算送俾邊個？」我選擇轉移話題

「秘密」我隱隱約約咁樣見到佢塊面紅咗

估唔到，黃思都會有咁嘅一面。

「個男仔好好彩」

「吓..？」

「你喎，你咁用心整野俾嘅男仔，好難得。」

「你到底係笑緊我啊定係讚緊我」佢啤住我

「贊」

佢對住我笑一笑。

我再望望對面嘅肥東，佢同我一樣，依然同啲朱古力搏鬥緊。

得翻一晚時間，希望有奇蹟發生。

-