昨夜星辰恰似你: 12 .

朝早五點。

太好，我終於成功咗。

包裝埋，再寫將卡，即刻衝翻屋企換件衫洗面刷牙都仲有時間。

我叫醒肥東就各自翻屋企。

朝早七點半。





我準時上小巴。

宜加嘅我，係腦海入面不斷ff緊同鄭梓熙嘅對話。

快啲到，快啲到⋯

今日嘅我，踏入校門個一刻特別興奮。

每位女同學都各懷心思，拎住一盒盒嘅朱古力送俾心儀嘅男仔，男神，有啲呢，就拎住成袋朱古力，逐個逐個朋友派。





係我隔離班，c班門口，堆滿女仔。

佢地全部都係嚟送朱古力俾李楓。

李楓，係我地學校籃球隊隊長，180嘅身高，健康膚色，份人好開朗，俾人一種陽光男孩嘅感覺，加上打波型球技又高超，有「籃球王子」之稱。都難怪有咁多迷妹。

再望下自己，明明咁靚仔都無朱古力收，班女品味真係差。

入到班房，已經見有唔少人送朱古力俾鄭梓熙。





再望望唐誠，依舊坐係角落睇書。

「早晨」係肥東

佢手拎住朱古力，但係遲遲唔敢送俾佢女神。

「怯你就輸成世，嚟，一齊送」

「好」

於是肥東就走向張嘉茹

但係我搵極都搵唔到盒朱古力。

點你個五步蘋果橙





一定係漏咗係小巴。

晴天霹靂嘅感覺，由天堂跌到地獄，我真係頹一個說話都講唔出口。

唉，唯有出去走廊平復下心情。

熱鬧是他們的，孤獨是我的。

-

「喂？」黃思嘅一句打破咗我寧靜嘅思緒。

我望一望佢，見佢雙手都放係背脊，好似拎住啲咩。





我就將件事一五一十講咗俾佢知。

佢沉默，我都繼續沉溺喺我嘅痛苦之中。

突然佢將佢手入面嘅朱古力俾我。

「幫你整多咗⋯」

我簡直，唔敢相信。

係救世主，原來奇蹟真係會出現。

「快啲送俾梓熙⋯」

我即刻接過佢俾我嘅朱古力，就入班房。





而我當時忽視咗朱古力盒上面原來寫住我個名。

當時嘅我無諗咁多。

係入班房前嘅一瞬間，我望到門外嘅佢依舊企係原處，一直望住我嘅背影，笑住揮手叫我加油。

但我覺得個一刻，佢係到強顔歡笑。

-

「情人節快樂」我遞俾鄭梓熙

佢望到我嘅朱古力，有啲驚訝。





「估你唔到喎」佢拆開咗。

「流心嘅..仲要係85度」佢不斷咁贊啲朱古好好食

「你鍾意就好」

「我鍾意」

見到佢笑，我有一種心滿意足嘅感覺。

我發然朱古力嘅底攝咗張紙，我拎出嚟睇。

：山有木兮木有枝

黃思啊黃思，你仲想幫我表埋白？

梓熙挨咗過嚟，想睇睇紙上面寫乜。

「你幾時咁有文采啊」

「咩嚟？俾我架？」佢奸笑

「無無無，唔關事」

聽到我咁講，鄭梓𤋮就繼續食盒朱古力，無再追問。

你係真係唔知，定扮唔知？

我望望遠方肥東，佢成功同女神傾緊計。

「死仔，掂喎」我同互望咗一眼

「you too」

我對佢單咗下眼。

我再望望黃思。

佢若有所思咁望住窗口，同平時大聲夾惡嘅佢好唔同，望住佢嘅背影，我竟然感到一絲絲嘅哀傷。

係咪⋯因為送唔到朱古力俾佢想送嘅人呢？

-

我地都曾經為咗鍾意嘅人奮不顧身過，但結果往往都係無疾而終。
傷痕累累嘅我地，永遠都忘記回頭一望而忽視咗一直係背後深愛自己嘅人。

-