[校園][愛情]《個女仔衝咗出馬路然後俾我救番》: 「第十四章(上)-迪士尼」

第十四章-上



一朝早起身，望下個鐘：1030

其實我約咗蒨頤1130等，所以我刷牙之後，就去準備一下一陣迪士尼要用嘅野

身為一個貼心男朋友，紙巾，水，外套，遮呢啲基本野當然唔少得，我執到差唔多嘅時候，吖妹就起咗身



「早晨吖哥」

「哦，早晨」

「嘩......執咁多野去打仗啊？」吖妹串緊我

「食屎啦」
「你唔洗執野咩」

「一早執咗啦」



「哦......」

「我去刷牙喇」

講完呢句，佢就入咗廁所，得番我一個

呢個時候，蒨頤就打嚟

「喂~早晨呀~」



「嗯，早晨呀」

「你執咗野未吖？」蒨頤問我

「我執好哂喇」

「咁乖？」

「緊係」

「咁陣間就獎勵下你啦」

「多謝喎」



「咁我去刷牙先喇」

「咁陣間見」

「嗯<3」

之後我就wts浩峰

「訓撚醒未(小丑)」

「屌，醒過你(中指)」

「屌咁轉頭大圍等」

「屌得啦」



「(小丑)」

我曾經有諗過，我同佢之間唔講粗口係咪會死，我覺得係，哈哈

「咔嚓」
「快啲換衫啦」

「哦」

我入咗房，望一望衣櫃，睇下有咩衫可以換，
嗯........好！係你喇！小智！
——————————————
落到樓下，我一眼就望到蒨頤，佢總係咁耀眼，吸引我注意力



佢今日着咗黑色冷衫加白色紗裙，嘩...........鼻血噴哂出嚟，
可能你哋會問：有冇咁誇張呀？但我會答你哋：有，因為佢真係好靚

「做咩眼甘甘望住我」

「因為......你靚女囉！」

「衰人...成日口花花！」

「淨係對你咪夠囉！」

「衰人......」

「係喎，又話獎勵我嘅」



「你合埋眼先啦」

我好聽話咁合埋眼
「嗱，唔好係啲.........」

我即刻張眼，發現佢原來同我親吻緊

「喂，夠喇！」
我而家先記起吖妹原來喺後面

「係喇」搞到我哋哭笑不得

之後我哋三人行就出咗大圍會合浩峰

出到大圍，我同浩峰對望咗一眼之後，我哋兩個同時間出動咗隻中指，其實我哋次次見面都會咁做......哈哈

「食咩好」吖妹問

「是但/求其/冇所謂」我哋三條友都咁答

「妖........咁食個老麥先入去」吖妹反一反白眼

「好呀」

去迪士尼~做足準備~玩得開心~至醒得你~

我哋食完野，撘咗九個字就去到迪士尼

對上一次嚟好似已經係小四定唔知小五，一家四口嚟，記憶仲好清晰

我哋去咗售票處到買飛，個職員問

「有冇興趣整全年證？」

我望一望佢哋，再望一望蒨頤

「好啊，我哋四個都整」

「好，請稍等」

我哋整完全年證就入場，要掃手指模，好似過關咁

可能今日聖誕啦，都算多人，不過好彩冇尋晚咁多人

「我哋影相啊」蒨頤嗌緊我

「好啊」

我哋去咗小鎮大街到行，入咗其中一間鋪，我望緊米奇老味啲飾物，蒨頤就攞咗頂唐老鴨嘅帽笠落我個頭到(好彩唔係綠色啫....)之後我順手攞起米妮造型嘅頭cool笠番落佢到

「衰人，望鏡頭啊」

「咔嚓」

「我哋去其他地區咯」

吖妹提議分開行，之後變咗，我同蒨頤一組，浩峰同吖妹一組，ok.....fine.....仲好，可以同佢拍拖拖









[待續]