[校園][愛情]《個女仔衝咗出馬路然後俾我救番》: 「第十四章(中)-衝突」

第十四章-下



我哋同浩峰佢哋分開咗之後， 我同蒨頤就去咗幻想園區，我哋去到之後就見到小熊維尼
「傻仔，我要同小熊維尼影相」

「哦，咁我揸機啦」

「咩呀？你都要影呀」



「好呀」

我哋影完相之後就去咗小熊維尼歷險之旅
排咗好耐隊，終於都入到

「喂你知唔知呢，小熊維尼係女人嚟架」

「？」



「我話，跳跳虎成日騎住小熊維尼」

「妖，咸濕仔」

「咩喎」

「你邊度聽返嚟架」

唔通我又話畀你聽我喺高登聽返嚟咩



「咸濕仔，再講咸濕野呢」
「你就知死！」

大獲..........
「以後唔講喇」

「喂傻仔，我哋不如玩旋轉咖啡杯」.

「好頭暈架喎」

「陪我玩啦」

「係喇」

不經不覺間，已經過咗一個半鐘，喺呢個鐘頭入面，我陪佢影咗相，玩咗唔少嘢



之後我同佢去左另一個園區

「我要同三眼仔影相！」

陪佢影完相之後，我就諗住玩玩具兵團跳降傘

「喂，夠唔夠薑玩」

「衰人你明知我驚又叫我玩」

「講下笑咋」

由於佢驚玩機動遊戲，所以我哋就去咗迷離莊園
浩峰視覺



「喂，阿妹」

「係，乜料」

「玩灰熊山谷咯」

「下........」

「你唔係淆底呀？」

「玩....玩咪玩！怕你麽」

「咁咪得囉」



之後去咗排隊......排到就快到我哋嘅時候
突然間，有個貌似三十幾歲嘅大陸阿叔無啦啦插隊，之後不斷推開啲人，正當佢諗住推開阿怡嘅時候，我行埋去格檔

為方便起見，我就叫佢做阿牛，佢嘅體型同佢嘅行為同隻牛冇分別

「神馬？」隻牛好嬲咁望住我

「麻煩你，唔。好。插。隊。」

「尼跟禾滚！」隻牛發火喇

講真成件事我想和平解決，不過佢硬係要打交我都冇辦法

我眼見佢右手打咗一拳埋嚟......










[待續]