那年，我在補習社遇上她..: 第四章 回憶( 1 )

先甜後苦的回憶...往往是令人最刻骨銘心....雖然已經隔左成年，但係我到依家仲驚自己會被拋棄而冇勇氣再去識其他女仔...
2015年11月22日
「死蠢，今日旅行行石澗，有冇整親呀?😥😥😥」呢日係旅行，我同Crystal唔同班，所以去嘅地方都唔同。一到返到屋企我就即刻WTS佢。
「你就蠢😡😡😡你好想我整親咩???😡😡😡」Crystal過左2分鐘之後覆翻我。
你可能會問:你地兩個都唔同班，點識呀?
2015年9月13日
我果陣誤打誤撞比高佬俊同仆佳推左出黎參加班際英文辯論比賽，咁岩Crystal都要參加，咁例牌都要出席下一d會議，傾下規則，辯題咁。

本身個會係4點開始，但係由於我自己放學打左陣波，連幾點都唔知，當我打到興恰恰果陣，高佬俊無啦啦同我講話 「你唔係要去聽個debate seminar咩?」



我果陣心諗「仆街啦，咁遲先上去，一定比個ON9 NET(外藉老師)當著成班面鞭屍」我用盡吃奶嘅力，由地下籃球場一野爆左上去6樓果個English centre

點知上到去，我遲左成半個鐘，點知個NET不單冇屌我，仲笑到四萬咁口，講:「 Devin, why are you so late? take a seat right there!」

當我睇到我自己個位果陣，我寧願比個NET大大力咁屌算。因為佢叫我坐係Crystal同佢條仔Hugo果張枱到。你叫當時係A0嘅 我情何以堪?加上我打完波同9衝左成6層樓，成個身濕到唔濕，仲有臭到冇得再臭，你依家叫我坐係隔離班個班花果度，你叫我點面對佢???
 
「hello，我叫張蔚詩，d人叫我做Crystal，你叫咩名呀?」
估唔到我凳都未坐暖，Crystal就主動同我講野。
 
「我..我叫陳逸希呀..你可以叫我Devin架…」 望到佢男朋友Hugo好似好不屑咁，我都唔係幾敢講太多野。


 
「借張紙巾比你抹下汗，出曬汗吹冷氣好易病」Crystal隨手就係裙袋比左包紙巾我。
 
我望到Hugo個樣，好似想殺人咁，我輕輕講左句唔該之後就無點理佢。
 
到個seminar完左，我問翻個NET可唔可以睇返一開頭講咩，點知個八婆NET話:「no，this is your responsibility，none of my business」
 呢個時候，Crystal冇啦啦比左佢份野我，仲比左個電話號碼我，話我有野唔明可以問佢。
我望一望，好彩Hugo去左廁所，唔係嘅話一定比佢斬開九碌。

我答左佢一句唔該，之後就急急腳走左。




自從果日我夜晚wts左佢問佢debate d野之後，我地都冇乜點傾過野，直至10月1號...果日放假，有人睇到Hugo拖另一個女仔去行街，唔洗審—Hugo識左第二個女朋友。

2015年10月1號
「你有冇事呀?😰有咩可以同我講架，有咩唔好屈係心到呀!👉👈」作為朋友，點都要安慰下佢嘅。

Crystal藍剔左我。正當我以為佢會唔理我果陣，佢打左過黎。

「逸...逸希...你依家得...得唔得閒...」

Crystal喊著咁問，我梗係話得啦，陣間佢做出d傻事咁點算...


我地約左係佢樓下個公園仔等，佢一見到我就喊曬口咁，攬著我，係咁打落我背脊，仲同我講:「你地班男仔個個都係咁衰，個個都貪新厭舊!」



其實Crystal你又何嘗唔係貪新厭舊?

我果刻個腦一片空白，我乜都冇講攬著Crystal話:「梗係唔係啦，至少我唔會先!」

Crystal聽到我咁講，好似喊得仲勁，之後仲慢慢係我膊頭上面訓著左...

望著佢個訓教個樣，其實都幾可愛。

佢一起身見到我望著佢之後，​佢塊面無啦啦變紅，我亦都唔知應佢…
 
佢尷尷尬尬咁講:「衰人…做咩望著我呀?」
 
我捏一捏佢塊面，笑著同佢講:「唔望得呀?」




 








其實Crystal​你又何嘗唔係貪新厭舊?






待續.....