那年，我在補習社遇上她..: 第十章 相識.改變 ( 1 )

「哦!我記得啦!😲」睇黎佢又好似真係唔記得而唔係有心想唔同我傾計。

「咁快就唔記得，睇你個樣又唔似咁蠢喎🙈」其實我都唔知自己點陣可以打得出呢句，我一路打，隻手一直咁震...

「咩呀，我一啲都唔蠢😒係一時唔記得咋!😩」老實講，我完全估唔到佢會順著我個話題一直延伸落去。

「知啦😩係wo，你英文名係咩?👉👈」其實我知，明明佢個ig名大大隻字寫著Angela，但係我唔想膠著係單一個話題所以就詐傻問佢。

「我叫angela呀😉ig個名咪有囉，咁都睇唔到😒仲話我蠢!」



「咦，係wo，一時見唔到tim🙈🙊」我發夢都冇諗過我同佢會可以咁樣傾計...

「咁你呢，你叫咩名🙈」

「我叫Devin呀🙈」

「聽人講叫Devin果啲好似特別蠢😨😨😨」

對著你..我扮一世蠢又有咩所謂....



「唓，你都係想話我蠢姐😒」

「係呀☺，你又蠢唔曬wo😌」
.
.
.
.
.
.
其實講真，係仆佳話幫我開頭果陣，我腦海入面其實一直泛起傻均果句.....



你又唔係靚仔，又唔係高，屋企又唔係有錢，讀書讀到成pat屎咁，你何德何能同人爭女神呀?​

我果陣其實心諗只要佢肯覆我，那怕係一隻字...一個emoji，我已經好滿足....更加唔洗諗我同佢會發展到林林總總嘅對話。

「係呢，你入到大學想讀啲咩?🙆」佢冇啦啦咁問...

其實，我有啲係校內合唔合到格到成問題，邊會諗話讀U....當然，面對著佢，我梗係冇咁講啦

「唔..未知呀..我仲未諗」

「要諗架啦，我地9月1號就係f5，過多年就係f6架啦😢」我估唔到angela仲會同我咁講，當我知道佢想入poly嘅酒店管理，我其實已經下定決心，趁呢個暑假不停咁刨書，我當時立左個願望:「為左佢，我要入U」，由不同嘅高登同連登post，仲有近排嘅潮文—come on James，我已經滲透左一個道理，基本上如果條女入左U，而個男仔讀hd或者asso，通常段感情都係好難維繫，更何況—佢係女神。所以，無論如何，我一定要入u

係果晚，我地一直傾左好多野，由11點幾一直傾到2點幾，傾下屋企，學校果啲野..有時又講下平時同frd果啲野...



最記得係果日佢同我講話同frd一齊去睇屍殺列車，睇完之後果半個鐘佢都一直喊....

我一諗起佢喊果個樣，個心好似就戚著戚著咁，雖然我知佢係為個劇情而喊，但係我都唔忍心睇到佢喊果個樣。

「嘩，原來2點幾架啦😱，我要訓啦，今日好攰😢你都早抖啦~~」佢同我講
「好啦，早抖啦🙇」


有咩開心得過自己中意嘅女仔同你講早抖....我果晚其實完全訓唔到—興奮到訓唔到，一合埋隻眼就諗起我同佢啲對話...

「嘩，得米啦你，希哥 2:41am 」原來係仆佳係三人幫果到講...

「得咩米呀? 2:42am」

「仲扮野?係你ig果到睇到曬啦😏」



仆街，唔記得左我比左自己個ac比仆佳開頭，跟著唔記得轉pw，好彩佢冇亂咁講野，之後我就即刻轉返pw，廢示比個仆街繼續食花生...

我之後係個三人幫到問仆佳同高佬俊聽日去唔去自修室—無錯，我真係下定左決心，為左佢，我一定要入到u..

「嘩，你係咪痴左線，佢一句話想入poly，你就轉曬死性，你真係咁想同佢一齊入u咩」仆佳問

「係...」










為左你，我乜都肯；因為，我真係好中意你.......

待續.....