過咗一個月,補習社都開始進入左常規課程第二期。

由於呢一期有優惠,舊生拉一個新生有半價,咁我當然係問左高佬俊同埋仆佳啦,但係佢哋都話唔想咁早補習住,所以我就搵左肥民。講返先,肥民全名叫林浩民,係一開頭開學miss調位,佢坐我隔離傾傾下先熟。男人好搞笑,只要吹下兩句水,唔使一個朝早就變得好熟。嗰日我哋傾左好多野,包括交換左一下大家嘅情史...

原來每個人嘅故事都唔同...

到左補習果日,我專登早啲約肥民出嚟。補習原本係七點半開始,因為係live班,所以通常要七點過去排隊,如果唔係就坐唔到主房。我約肥民出嚟去食飯其實唔係真係為咗食飯,而係問佢意見。

「喂屌,我好淆啊,陣間可能會見到佢,屌我同佢咁耐冇傾計,一見到面應該講咩好」講完我就開左我同Angela嘅WhatsApp俾佢睇



「喂屌你係咪on撚鳩架,人哋都主動問你野,佢係想主動同你傾計,但係你次次都Hea覆佢,你諗下我平時會唔會無啦啦問你路呀?好明顯佢就係想專登同你傾計啦,自己諗下啦。」肥民講嘅嘢其實仲直接過仆佳講嘅嘢,不過唔知點解每一次同源佢講野我都好舒服。

之後食完飯,我同肥民一齊行去補習社,過程中我冇出過聲。一來,我係度諗肥民啱啱講嘅嘢,係唔係我自己放棄呢?二來,我驚陣間會見到佢,所以個心一直好緊張,連野都冇講過...

一開咗商場到門...因為間補習社係商場入面,所以我同肥民一入到去就即刻感受到一襲冷氣打係我地身上,但係我唔單止feel唔到涼意,反而變到更加熱....

因為我見到佢...

佢都係好似以前咁靚,唔同嘅係,佢身邊多左好多人...全部都係男仔,仲要係成五個男仔,個個都高過我,靚仔過我,我心入面唔知點解好似好不甘咁。



可能係醋意?唔好講笑啦,我算係佢邊個,我諗佢都唔會真係好在意我...

同埋,見到佢身邊嘅男仔,我啲自卑感就出晒黎...我除咗識打波同識讀書,仲識做啲乜...

樣又唔係靚過人,又唔夠人高...

我對住佢,講左聲hi,之後就冇望過佢。因為我嗰陣除咗覺得好自卑,亦都好緊張,每望佢一眼,個心好似就跳得更加快....

咁又點啫,我到底係佢邊個,佢要揀,都揀佢啱啱學校啲男仔啦...



補習嗰陣我越諗越頹,好彩係上live班,有個阿Sir喺度,我都冇乜點再諗其他嘢...包括佢...

之後就完咗一堂..由於佢住大埔,佢同我返屋企等巴士嘅方向係唔同,咁啱嗰陣落雨,然後佢冇帶遮...我見到佢同一個男仔一齊擔著把遮...

心入面其實好唔舒服...

其實佢同邊個一齊又關我咩事..我又唔係佢邊個...
 
之後搭巴士,我自己一路聽住歌,突然之間收到一個Snapchat,係佢...
 
佢影住一把遮,個caption係:好彩有人遮我,如果唔係今日就變落湯雞😭
 
我唔知佢係想同我儲火,因為嗰陣我都係岩岩down snapchat...
 
如果果陣我可以進取啲,可能我地經歷嘅野就唔同左...


 
我有這自卑的自由
你遇上他開心便夠
我這品性永遠似塊無用木頭

 
我聽著自動棄權,冇錯,我棄權左呢場愛情比賽......
 
之後果啲日子,佢主動snapchat我,又主動wts我,我一係就hea覆佢,一係就唔理佢..
 
仲記得係補完之後果幾日,佢主動開左啲話題,但係我全部都hea著咁覆..
 
「喂係wo,你幾時sport day呀🙆🏻」佢問
 
「我唔知呀」我果時真係咁覆..
 


「乜你咁蠢架🤥幾時sport day都唔知🙉」
 
無錯,我已讀左佢...
 
.
 
之後每個禮拜一直都有見到佢,我地點點頭就算..
 
最唔明係,佢明明有好多同佢一齊補嘅男仔frd,但係唔知點解差唔多每一堂之後嗰日,佢都會問我抄返補習啲野,我通常咩都唔講,直接影果幾版俾佢
 
無錯我真係放棄左...
 
我一直都覺得自己咁樣,係無可能高攀得起佢...雖然,我真係好中意,好中意佢...就算心入面千萬個唔願意都好,我都決意退出...
 
之後果段日子我同佢都冇再聯絡,佢都冇再補live班...


 
棄權,係咪最好嘅選擇?我唔知...我靜係知我根本襯唔起好似佢咁樣嘅女神...