那年，我在補習社遇上她..: 第十四章 重見
踏入十一月，秋意漸濃，落葉滿溢，地上面一片狼藉。
「喂，班籃就開始，放學去練波呀，今次唔可以輸比A班」高佬俊咁同我地講
屌，講經咩，我地班識打波嘅得我同高佬俊，其他男仔一係踢波，一係打機。
當然我冇咁同佢講啦，見佢咁有心，講左之後都唔知佢會點...
之後係班上面求其再搵多3個叫係識咩係籃球嘅男仔一齊去練，當中有肥民，咁岩今日係星期四，我冇補習，於是就同佢地柴娃娃咁去練波。
一出校門，個fb messager就彈左個通知出黎，我一開，寫著Crystal Cheung…
點解佢要搵翻我...佢係咪仲覺得傷得我唔夠深..我果陣腦海入面第一時間唔係諗起佢，反而係諗起Angela…我同佢地一齊行去籃球場果陣，一句聲都冇出過...我冇開到crystal嘅msg，應該話，我係唔夠膽開...
「呯」
「呯」
「呯」
小弟打波尚算可以，之前參加Adidas Take on summer都叫做入到圍，仲記得上年學界，我唔知點解好似痴左線，我做後備，係八強到入左30分。我係一個射手，但係，我今日竟然一球3分都唔入..一係就撞框，一係就air ball..
「喂，你搞乜呀，平時校隊練波你都唔係咁嫁wo」高佬俊見我唔係幾妥，行左過黎問我
「冇野呀，今日有啲攰姐」我答
冇錯，我好攰，係個心好攰..點解係我已經忘記得你一乾二淨嘅時候，你要黎搵返我..仲有，點解我第一時間諗起嘅唔係其他人，而係你..Angela..
我對Angela嘅感覺係咩？我好肯定我自己係中意左佢..不過我知..我知自己冇可能比得上你..當我記翻補習果陣同你一齊果啲男仔...
「唉，唔理你呀，到時比賽醒醒定定呀，阿葉，你過一過黎，你到時企係籃底.....」
無錯，高佬俊靜係拋底左呢一句，我好肯定佢好緊張個班籃，換著係平時嘅佢，一定係到問長問短..好彩仆佳唔識打籃球，如果唔係嘅話就仆街啦...佢一定會逼我講曬出黎...
「喂屌你，做乜春咁頹」係肥民..
「你唔係要出去練波咩，咁得閒」
「屌，高佬俊同緊阿葉練緊籃底，我打面架，屌你」其實認真唔明肥民點解可以咁爛口，不過爛口還爛口，我feel到佢係好著緊我，當我係兄弟先咁
「唉，咪又係佢囉，crystal無啦啦send msg過黎，你叫我點算好，我對佢真係冇feel，我好中意Angela..」
「屌你係咪柒架，中意Angela又唔同人講嘢」肥民講
「你估我想架咩，你記唔記得果一次我同你去補習，有幾多個男仔圍住佢，個撚個都高過我，靚仔過我，我驚我比佢收兵，就算唔係收兵，我係女都唔會揀我自己呢啲毒撚啦」
「我屌你邊有得咁撚樣講架，你已讀左佢幾多次， 兩個人拍拖講咩襯唔襯得起呀，最緊要大家都鍾意大家，屌，收兵呢啲就遲下先再講啦，仲有啊你又唔係女仔，你又點會知女仔啲口味啊，你比啲信心啦，你都算毒？咁我係咩呀，你係咪on9嫁」肥民d說話好似一把箭咁，一野插穿我個心...
唔通，真係我自己放棄左自己？
「喂傾完計未啊，傾完就出黎啦，阿希你打Keyman，你嗰陣key波上到嚟，你比手勢我，我即刻上黎罰球線幫你做個pick，之後你屈速剷又好，射波又好，我哋信你。仲有呀葉同肥民，你地兩個喺45度角等波，接左波之後盡量交翻比我去處理，你地9 dum入黎比我就得，佢地冇人夠我高...」睇黎高佬俊作為籃球隊隊長真係好想贏。
之後我將大部份補習班調晒去星期六日，咁樣一至五有多啲時間同佢哋練波
翻到去屋企，沖完涼，望一望個鐘，已經係夜晚8點，老豆老母去左郵輪渡假，兩個月先翻，屋企得翻我同阿哥，阿哥通常要翻工，所以依家屋企長時間都係得我一個。食完飯之後，我入左房，望一望漆黑一片嘅藍圖星宿，繁星若隱若現，寂靜嘅夜晚，往往係一個機會去比人洗滌自己渾濁嘅心靈。
唔想面對嘅總要面對—我開左Crystal嘅msg…原來佢sd左2個msg過黎
「喂，小火龍，仲記唔記得我呀，我遲啲會翻黎香港呀 4:15pm」
「你遲啲係咪打班籃呀，我一定會過黎睇架，加油呀，小火龍 5:26pm」
佢翻黎香港關我咩事？我打班籃又關佢咩事？仲有佢點解要叫翻我做小火龍？佢想點？佢知唔知因爲佢我喊左幾多晚？仲記得佢當日講分手果刻，我個枕頭濕完又濕，我至今都係歷歷在目，諗諗下，我啲眼淚情不自禁咁掉左落黎，滴左落我部手機...
我諗緊嘅人，唔係張蔚詩，係你，吳詠希...
我覆左句「哦」之後就冇左理過crystal…反而，我諗返起肥民今日同我講嘅一字一句...於是，我wts搵翻佢...搵翻Angela..
「記唔記得我呀？」我問
「記得呀，做咩？」佢覆
老實講，我都知自己好仆街，已讀完人又搵返人，但係其實我真係唔想咁...
就係我諗著覆Angela嘅時候，有人無啦啦打比我，而且，個數字好陌生，我從來都未見過...
「喂」我講
「真係你呀？逸希，你個死蠢仲記唔記得我係邊個呀？」
係Crystal打比我....
我點會唔記得你，我仲記得當日你係電話到同我講左啲咩，一字一句，好似刻左係我心入面，永遠都擦唔走...
待續..