那年，我在補習社遇上她..: 第十七章 哭泣

之後果日係星期五，講真，我星期四晚仲邊訓得著呀...好彩有肥民通頂同我吹水..

「唉，成件事咪咁囉..」我將成件事由頭到尾同佢講一次..

「嘩，呢獲精彩，仲好睇過tvb啲電視劇；不過真心，佢hurt得你咁深，你一時接受唔到佢都好正常嘅...」

「唔係呢個問題，係我依家中意左angela呀」我咁同肥民講。

「其實講真 ，crystal個樣就一定係靚過angela，不過angela認真都唔差，都係女神嘅級數..」



「我屌你我都唔係睇樣」係肥民未講完我已經插嘴鬧9佢

「我知，我想講嘅係，你同個angela又唔係同校，佢係學校點你又唔知，雖然我之前就係咁同你講叫你唔好放棄姐，但係你依家有crystal，人地好女仔黎架，一年有幾多條友想溝佢你知唔知呀?依家人地直程係送到上門呀，，佢對你仲有feel呀，師兄」

「佢好?你知唔知..」
「夠啦，你仲想講幾多次呀，佢飛過你呀嘛，講真呢樣真係唔怪得佢，平時自己係外國一個人，每日靜係係電話上面聽到你把聲，係我都冇曬安全感啦」肥民咁講。

唔知點解，佢好似好想見到我出pool咁，可能係因為佢同逸鑫熟，知道逸鑫同Regen啲野，可能佢唔想我變成第二個逸鑫....逸鑫全名叫林逸鑫，係我班上面其中一個同學，其實我同佢唔熟，佢同regen，即係隔離班個女仔啲野我其實都唔知太多...總之佢地就離離合合，到依家都仲未一齊。

之後肥民話要訓，咁我都唔阻佢啦。



到左第二朝，一入校門，仆佳同高佬佳就急急腳拉左我去學校個後花園到，佢地個樣仲驚過世界末日咁..

「喂，你知唔知個張蔚詩翻左黎，編左佢入hugo果班，即係A班呀」仆佳咁同我講。

其實我一啲都唔出奇，因為其實知道crystal會留係呢到，就預左佢會入翻黎。

「哦」我咁答佢地

「喂你唔好死頂呀，有咩就同我地講呀」高佬俊咁同我地講。


「得啦」

呢份兄弟情，我呢世都唔會忘記。

正當我同佢地行樓梯上班房果陣，撞到crystal，佢拉左我去一邊….佢咩著以前果個fjallraven kanken書包，一樣都係咁有女神feel…

「你點呀，你今日有冇好翻啲呀」睇黎佢真係好著緊我...

我諗翻起琴日肥民同我講嘅野，對crystal嘅態度漸漸好左...

「冇..冇野呀，我好翻啲啦」

「你知唔知琴日我幾擔心呀，你靜係答我 哦同知啦」

「知啦，以後唔會再咁」



「但係你岩岩又講左次知啦，咁又點計先?」佢扮曬嬲咁同我講

「咦，係wo，你話點就點啦」

「以後送我翻學放學呀」佢咁同我講

「哦」我答

「又講???」佢又扮嬲..如果唔係因為之前單野，我可能真係會同crystal拍埋拖...
但係依家我中意左angela..冇辨法...

講下講下就到左A班課室..佢同我講：「拜拜，食飯等埋我呀」

「哦」



「你係咪想我唔理你！」佢又扮嬲咁同我講

其實你唔理我咪仲好，我中意嘅係angela..

「得，最後一次，唔講」我咁同佢講

之後佢扮嬲入左班房，我見到原來Hugo係我後面...個樣仲好不屑..

「喂，你做咩同個crystal行得咁埋」
「你唔係中意Angela咩」

高佬俊同仆佳連珠發炮咁問

我唯有一五一十同佢地講



「你係咪痴線架，佢hurt過你咁深，你依家仲要踩落個陷阱到？」仆佳咁講.

「叮噹叮噹」上堂鐘又響左，我想答佢地都答唔到...

你估我想咁架咩...

之後出奇地，佢地冇左過問我啲咩，可能唔想我煩上加煩。

食lunch，我聽肥民講，開始接受crystal..同佢有講有笑...

但係我知..我最中意嘅係Angela…

食完飯翻到課室，Hugo冇啦啦推我出走廊，佢有185，全校除左高佬俊之外就應該係到佢最高。



「喂，我同你講，你最好唔好同我爭crystal」

其實聽到佢咁講，我心入面好爽，其實crystal真係一個女神之中嘅女神，講真，佢睇中我真係三生有幸，只係..我中意嘅唔係佢..

「痴線，鬼同你爭，你中意嘅咪溝左佢囉，我都唔中意佢」

估唔到，crystal係我地後面，乜都聽到曬...

跟著佢喊著咁衝左入班房，Hugo一野推開我，跟著佢衝左入去..

我一開頭以為如果我同crystal講話我唔中意佢，我個心會好舒服

但係原來，我望著佢，個心反而有啲唔舒服...

去到放學，我經過A班，見到crystal仲係到喊緊..而Hugo一直係佢隔離..