Crystal望著成枱甜品,開心到好似個細路咁,我個樣雖然扮到好似好開心咁,但係其實我心入面一直諗著Angela..
 
「喂,做咩仲唔食呀,隻船溶啦」crystal原來已經食完個布甸同個蛋糕
 
「哦..我依家食啦」講完之後,我諗著拎起隻匙羮,點知crystal原來已經舀定個雪糕,同我講:「呀~」
 
原來佢遞左去我面前,用緊佢食開果隻匙羮想餵我..
 
「我..我自己黎得啦」我一時反應唔切,點知..
 


佢趁我唔為以嘅時候,塞左隻匙羮落我個口到…即係..我同佢間接kiss左…
 
「好唔好食呀?」佢問
 
「好食」我完全反應唔切…
 
「梗係啦,因為有我餵你呀嘛」佢講
 
我即刻呆左,我仲記得佢同我講分手嘅一字一句,佢話我比唔到安全感佢,咁點解佢依家又要咁主動搵翻我?點解佢要做呢啲野?佢係咪當我係佢玩具,想點玩就點玩?
 


「我唔食啦,我有啲唔舒服」我咁講
 
Crystal隻手冇啦啦擺去我額頭到,個樣好緊張咁講:
 
「吓,你邊到唔舒服呀,有冇野呀,睇下你有冇發燒先」
我睇得出佢好緊張..
 
「唔係呢到呀,我胃痛呀」我唔耐煩咁講,其實我唔係真係胃痛,我只係唔想面對著crystal,我覺得佢好陌生..點解可以咁狠心拋底完我之後仲係到扮冇事..
 
之後埋左單,其實我自己本身想靜靜地行翻屋企,靜靜地諗下到底發生咩事…點知一出甜品鋪,crystal就好似想喊咁..


 
「對..對唔住呀,係我自己衰,唔知你胃痛,格硬拉你黎陪我食甜品..」
 
你依家先知自己衰咩?一年前..我仲記得好清楚
 
「唔關你事呀」我好冷靜咁講,我唔想佢再係咁..
 
講完之後,佢又再翹實我隻手,同我講:「行啦,今日等我送你翻屋企,我驚你陣間暈低左呀」
 
行緊嘅時候,我好多次想整開佢,但係,佢真係翹得好實..
 
去到我屋企樓下,我同佢講:「得啦,送到黎呢到得啦」
 
「哦,你上到去記得打翻電話比我,等我放心啲呀」
 


「嗯」
 
我真係完全唔知發生咩事,我好亂…好亂..
 
「喂」正當我諗著走果陣,佢叫翻我..
 
我一擰轉頭,佢錫左落我塊面到
 
「我走啦,死蠢」佢講
 
我個頭腦一片空白..
 
在你字典中一句,呼之則去,對我仍過份..
 
其實佢係咪認為一年前嘅野可以用一句對唔住就可以當冇事發生?人非草木,我唔認為一個人可以咁快忘記一段情,一段傷得佢咁深嘅愛情….我唔係佢嘅私人玩具,唔係話佢要我點就點..我地兩個之間嘅關係就好似一個爛左嘅花樽,即使格硬用膠水痴好,表面都仲會有永不磨滅嘅裂縫..


 
Crystal,究竟你想點..
 
上到屋企,我第一時間wts Angela..原來我8:03分就已讀左佢..一直到依家11點…
對唔住..Angela..你可以覺得我玩玩下,想理你果陣就wts你,唔想理你果陣就已讀你..其實我都唔想..我都好辛苦..更何況,冇左我,你身邊咁多男仔,你同佢地一樣可以wts得好開心…
 
「冇野啦,你早啲訓啦」我wts angela...對唔住,我真係好亂...
 
之後我wts rachel,rachel係crystal個frd,我諗佢應該最清楚crystal諗咩..
 
「rachel姐,crystal岩岩搵我去…」我將岩岩發生過嘅野一五一十咁同佢講
 
「唔怕同你講埋啦,無錯,佢果陣同你散係因為識左第二個男仔,佢地開始拍拖,拍左一個禮拜之後crystal發現個男仔原來係花花公子,每個月都有唔同女朋友,之後就同個男仔講分手。佢翻到黎香港先發覺佢最中意嘅係你,所以咪搵翻你囉」
 
可笑..比人飛就黎搵返我,當我係咩..


 
「唔該曬rachel姐..」
 
「佢都喊左好耐,佢知你對佢好好架,仲話自己好後悔,你…」
 
佢喊左好耐,唔通我果啲就唔係眼淚?
 
「嗯」我冇睇到rachel之後同我講左啲咩,我就咁覆左Rachel..
 
之後,又係crystal打比我..
 
「翻到屋企未呀?今晚早啲訓呀!仲有呀,你屋企有冇胃藥架,冇嘅話我可以過黎拎比你架」
 
「唔洗啦,我訓啦」我就咁cut左佢線..
 


 天色灰暗 全怪我 戀愛路認錯人
.
 被擄劫的心 偏差的終點糟蹋我都能
.
就算受盡教訓還被困.
 
我係人,唔係佢嘅玩具,想我點就點…


我真係好中意你..angela….