那年，我在補習社遇上她..: 第二十五章 願望

「係..係呀」我其實當下都唔知比啲咩反應佢好..

我心內只係充斥著當日crystal喊曬口嘅樣..唔好講話佢，連我自己都接受唔到自己咁仆街..

「喂呀，又話送我返屋企，依家又停低同人吹水」crystal咁同仆佳講
「得得得，蔚詩bb行啦」仆佳咁同crystal講

之後我見到仆佳做左啲手勢，應該係解佢陣間會翻黎搵我

佢地走左之後，我隻眼好似缺左堤咁..



「男人老狗喊乜春呀」係仆佳..佢仲拎著4罐藍妹啤酒
「啤啤佢先啦，一睇你個衰仔一定係冇人約先同籃球拍拖」

仆佳真係講得好中..

「sorry呀，之前聖誕聯歡..」我諗著開口果陣..

「屌你，兄弟邊有隔夜仇架，講返你單野先啦，我都上左岸咯，你係咪仲中意緊補習社個女仔呀」



「係….我好想搵翻佢..」講完之後，我聲淚俱下，將罐藍妹一飲而盡。

「屌，喊乜尻，男人老狗，一係放撚手，一係就放膽追，我追crystal果陣都係咁啦」

「我知呀，淆呀嘛」

「屌你，又係一句淆，你仲記唔記得你錯過左幾多呀，屌你，拎你部機比我啦」

「我..」



「得，唔洗講，你係咪仲中意佢？」

「係..」

「攞你部機過黎」

原來仆佳係想幫我同angela開話題..而angela亦都覆左我

「hny～同班frd去tst倒數～」一個emoji都冇..

「全部都係女仔？」仆佳幫我打

「嗱，幫你覆一句咋，自己醒醒定定，我要走啦，陣間比crystal知我成3點都未翻到屋企實詐我型」仆佳咁講..

原來同兄弟吹下水，互相交換下感受，時間會過得咁快..



「係呀，做咩呀」angela咁答我..

我著翻件衫，慢慢行返屋企..

「冇呀，你咁蠢，冇個男仔睇著你容乜易比人拐走架」我咁答.

唔知係咪因爲仆佳岩岩講嘅講，令到我有勇氣同佢傾落去..

如果可以，我呢一生都會做果個男仔…守護著你..保護著你..唔會比你受到傷害..

如果可以，我會每日氹你笑，你唔開心果陣我第一時間會做聆聽者，你想我點我都會去做…即使你當我係一隻兵..一個平平無奇嘅儲火工具..

如果可以，我會緊握著你隻手，攬實你..我要證明比你睇，我陳逸希唔會再自動棄權..



做咁多野，都係因為

我真係好愛你，吳詠希..

「咩呀😪我唔蠢架」

我應該要點覆..

「嘩，成三點幾仲未訓？」我同佢講

「尖沙咀呢邊超多人😪排左成個鐘先由倒數個位行到去mtr個站😪岩岩先返到大埔咋😪」

佢對我，一啲陌生感都冇？

「嘩 咁慘😨翻到屋企好訓教啦，陣間變左隻🐼冇人要😝」



「熊貓咁得意，點會冇人要😝」佢答

「唔理呀，總之你4點前要訓😤😤」

其實我又唔係佢邊個..我有咩權利可以咁樣講..

「知啦🤓」佢答

本身以為段對話就咁完，點知佢又覆翻我：

「你都唔好靜係識話我，你都要早啲訓呀🙁」佢講

「得啦 熊貓😜」我咁講..



佢對我係咩感覺？我唔知..

真係想同我發展落去？定係只係當我係一隻兵黎攝時間？我唔知..

行行下，angela send左個snap黎：個caption係 早啲訓啦，幅相有個時間..

我梗係滿心歡喜啦，一個你鐘意嘅女仔咁關心你，係人都嗒糖啦..

我又影翻張snap比佢：「知啦知啦😎」

由2017年1月1號開給，我地就重新搵翻大家..而我新一年嘅願望，就係一定要追到佢..