那年，我在補習社遇上她..: 第二十六章 發展（1）

順理成章咁，我同angela就開始傾計，只不過..

只不過佢依家比我嘅感覺係「有事鐘無豔，冇事夏迎春」，因為佢想同人儲火同儲分，我地都好少係wts上面傾計。

唔知大家有冇同感，我覺得用snapchat黎同人傾計好陌生，有時佢sd張snap黎，你唔知佢同時sd左張snap比幾多個人，我覺得，一個人嘅故事唔應該當派傳單咁隨便比人閱覽。

有時，我地成日都冇點傾過計，只係朝早同埋夜晚形式化咁同大家講gm gn，無論我同佢點講其他野，angela已經唔再好似以前咁熱情…

我冇同其他人儲火，我只係同佢一個儲…我想比佢知道，我並唔花心，以前嘅陳逸希已經唔同依家嘅陳逸希…



點講好..過左一個月，我發覺我覺得佢好陌生..每日翻學前，放學之後，我都好似一個傻仔咁不停check手機，希望係佢snapchat我..

你可能會問，點解你唔主動snapchat佢？

主動snapchat佢咁又點..到頭來只係換黎佢嘅已讀不回..係咪因為你覺得我好陌生？無啦啦搵返你…

望一望佢個snapchat分數 41326分…而我，只係得1789…或者，你著重嘅根本唔係同邊個傾計，你著重嘅係個分數..

如何回到當時..



我好後悔點解我果陣會自動棄權…如果我果陣繼續同佢wts傾，可能我地個故事就會唔同曬..

「叮」係angela snapchat我

「我星期五要去班際長跑比賽，點算🙈」

其實你知唔知，你一句簡簡單單咁同我分享你生活嘅事，已經可以令到我開心一日…

「你有冇玩過跑online，我依家送隻小光比你，你咪唔洗驚囉😎」我影左跑online小光張相比佢..



你可能會覺得我好白痴，無錯..我乜都唔識做，靜係識逗你笑，等你冇咁煩..即使我只係一個小小嘅二等兵，可以同你分擔呢啲野已經夠我開心成日..

你知唔知呀，angela…

唔知係咪因為佢覺得我幽默又好，搞笑又好，佢snapchat我嘅次數開始多左，會同我講多左啲搞笑野同埋屋企果啲野..

每次收到佢snapchat嘅時候，我個嘴角都會不自覺咁微微泛起，大概，呢種就係真心中意人嘅感覺？

2月14號…係angela嘅生日..點解佢嘅生日會同crystal一樣都係情人節？我唔知..

我等到12點，一踏入2月14號就同angela講生日快樂..佢應該係訓左？

等到12:30，我收到佢嘅snapchat：

「死蠢，做咩咁夜都唔訓😡」



佢叫我做 死蠢？

「你都未訓啦😩我聽日仲要test呀」我覆佢

「我唔理呀😡你依家一係就乖乖地上床訓教，一係就溫到1點鐘先訓😡唔準再玩手機呀😡」

點解？點解佢會咁講？我又唔係佢邊個…或者，佢係咪比緊signal我？

「哦，知啦，我依家訓啦🙈」我覆

「乖啦😎」佢覆

其實我開心到成晚都訓唔著…



無錯，你講兩三句野已經可以令我開心足成晚…你知唔知，angela…

如是姐，我地近乎每一晚都會snapchat大家，我地都開始愈傾愈熟..雖然有時佢都會已讀我，但係又會搵返我..