那年，我在補習社遇上她..: 第二十九章 突破? (2)

「陳逸希，同我企去後面」冇錯，又要上中文科個教畜堂。
 
其實自從今朝仆佳幫我wts angela之後，我成朝就渾渾噩噩，心入面好似有千萬隻鹿咁係我心入面亂竄。成朝一啲心情都冇…
 
加上個教畜自從知道我去補yy lam之後，事事就更加針對著我。佢見我今日神不守舍咁，仲唔搵位入我咩…
.
.
.
到左放飯嘅時候，一如既往，我都係同仆佳，高佬俊果班友去食，我開左部iphone 7，其實正常平時我係唔會熄機上堂，只不過我係驚自己忍唔住睇手機，睇到angela嘅wts所以先特登熄左佢..
 


「喂，你個angela點覆」一出校門仆佳就問..
 
「屌，我唔夠膽睇，你幫我睇」我同仆佳講
 
仆佳一接過我部機，個口就呢喃自語：
 
「應該得閒嘅🙈，我都想睇😛等我翻屋企check下schedule先😛」
 
「咁即係點？」我問仆佳
 


「屌，咁都唔明人地都講到明想睇咯，你隔多陣再問人啦」高佬俊係隔離咁講。
 
「咁好啦😛」我咁覆angela
 
其實我真係好驚好驚…一黎，我唔知angela佢係咪唔想同我單獨出街先話自己唔得閒，二黎我驚見到angela我自己會好緊張好緊張…係緊張到連野都講唔到，最後會變成deadair dead左一日..
 
「屌，唔好諗咁多啦，係約就約，你平時唔係話自己馬鞍山黃子華咩？你約佢果陣係咁拋啲gag出黎就咪得囉」仆佳好似知我諗緊乜..
 
食完飯翻去學校，下午嘅堂都冇乜特別，都係訓下教，hea下hea下又放學..
 


放左學之後，我一出校門就睇下angela有冇wts我
 
「係wo 你幾時放假🤔」佢問
 
希望佢真係想同我去睇戲..
 
「我聽日開始放假啦😛做咩咁問 好想快啲見到我咩？😛」我咁同angela講
 
無錯..佢又已讀我..
 
其實我都唔明佢諗乜，有時大家傾到好地地佢就冇啦啦已讀我…其實佢究竟想點…
 
我換好衫，拎埋個籃球就出左去..
 
籃球場，的確係我最好嘅避風塘..


 
打到去7點幾，我睇一睇部手機..係angela snapchat我..
 
佢影著啲影食比我 加埋😋😋😋嘅caption
 
我冇乜心情再去覆佢..應該話我唔識點樣覆佢..
 
 
放假嘅第一日，我好似平時咁毒係屋企，除非要補習，或者去打波我先會出街..
 
Angela係我岩岩打完波嘅時候就黎snapchat我.
 
個caption係:唱k去😍
 
我諗翻起琴日佢話要check  schedule，然後我地就咁冇左件事…


算啦，既然佢都唔想同我出去…呢啲野逼黎都係冇用..
 
我snapchat翻佢:唱k又唔叫我😢😢
 
估唔到angela覆:你幾時放假姐?😒
 
操媽的，我琴日咪講左我今日開始放假囉，佢係真唔記得定係想玩我….
 
然後我覆:咩呀，我琴日咪話左我今日放假囉😒，咁都唔記得，死蠢🙈
 
過左無耐，angela覆:係咩，我又唔記得tim🙈
 
其實我都明嘅，我同佢咁耐以黎靜係靠snapchat黎傾計，如果我係女仔我都唔會同一個咁陌生嘅男仔出街啦..
.
.


.
.
.
 
「大家都知啦，岩岩班中六就考完dse，即係如果你見其實最好梗係入三大啦，城大乘極都唔大，浸大浸黎浸去都唔大，其他果啲就唔洗再講。你地就中五啦，對自己個期望應該定高少少，例如係起碼入三大咁」
 
上上下經濟個cliff yeung堂，佢冇啦啦咁同我地講
 
諗翻轉頭，其實距離我考dse嘅日子靜翻一年都冇…好老實講，我唔可以為左一個女仔而放棄我嘅前途…
 
加上angela好似都冇心同我一齊咁，係，我地係snapchat上面的確係比以前熟左，但係問心果句，你同一個本身完全唔熟嘅人日日係到傾計，咁好老實講你地一定會變熟..
 
所以，我同自己講，係暑假前追唔到angela就算啦…