那年，我在補習社遇上她..: 第三十章 可靠
拉開窗簾，從簾縫竄入嘅淡黃光影漸漸擴大，我望一望手機，原來復活節假已經過左一半..
Angela因為早過我放假，所以佢聽日就要翻學，理論上，今日係最後一日我可以約佢嘅日子…我一停拎著部手機，坐左係張梳化到，心入面不停躊躇好唔好直接問佢…
「係呢，你今日有咩做😛」我wts angela
其實我都知自己冇乜可能..呢放假呢7日，佢snapchat我一係就係講同frd去玩，去唱k，去行街，一係就講話去補習…
我..我係佢心入面佔嘅分量究竟係幾多..
「我地呢啲deadline fighter，最後一日梗係留返係屋企做功課😭」
果然，我都知自己係冇乜可能約到佢...
唔係，唔係冇乜可能，係直程冇可能…如果angela對我上心嘅話，仲點會咁..好似當我約佢冇左件事咁..
「😏仲以為你咁勤力添」我已經諗唔到覆乜...
餘下嘅日子，我都過得好似行屍走肉咁，我同angela依家嘅關係到底係乜？普通朋友？定抑或連朋友都唔係？
.
.
.
「喂，你到底有冇約到個angela出黎姐」一返到學校，仆佳就咁問，佢個樣睇落去頹左好多..
我知我自己咩料..angela對我都唔上心，我又何必做到死纏爛打...可能佢根本唔想同我出街..
「冇呀..」我一五一十咁同仆佳講..
一開頭我諗著會比佢大大力咁屌我唔識主動，點知佢靜係拋低左一句
「你自己中意啦，唔好比自己後悔..有啲野錯過左就冇」
點解仆佳冇啦啦會同我講啲咁玄嘅野?唔通佢同crystal…
我到最後都冇問到仆佳..我連自己嘅野都搞唔好..仲邊有資格去理其他人...
.
.
.
「你報唔報通識個guy leung大考精讀?」係隔離班王總問我
介紹翻，王總係我地成班frd幫佢起嘅花名，佢全名叫王俊新，點解佢叫王總?
因為佢真係好撚有錢
言歸正傳，我通識見補左依家呢個咁耐都冇乜起色，既然王總叫到，試下個guy sir點都好
報完名，5 月2號星期五第一堂，每一個星期上2個半鐘..重點係要係九龍灣上...夜晚7點半上到10點...
如是這，我一直有同angela snapchat，佢照舊都係日日sd狗狗相比我，係咪我自己太悲觀?
5 月2號晚，我snapchat張snap影著guy sir本筆記，冇錯，基本上我同佢之間嘅對話係完全冇記錄..
「又要補習😩」我咁講
「guy leung好咩?🙁」佢覆
「ok 啦，份人gay gay地😂」我咁講，為左唔令我地之間deadair，即使我係未上，我都作個大話出黎
「點解你成日都話人gay架😂，話時話，我可能都會補佢🙈」佢覆
如果angela真係報，咁我地咪見到面?咁就仆街啦，我同佢成半年冇見過面，最多係ig見到佢post啲野..
但係我心面其他又好想見到佢wo，畢竟我真係好中意..好中意佢..
今次guy leung靜係係旺角同九龍灣開班..2分1機會中...
「testing testing 試咪 123 隔離房聽唔聽到..」
我連覆佢都覆唔切就要上堂...
落左堂之後，我好攰..同王總一路行一路傾計，直至去到巴士站先分道揚鑣
上到巴士，本身諗著插headphone訓教，一開翻部手機就見到angela snapchat我
「我岩岩睇左章程🙈，我應該會報旺角果班🙈」
我屌!!!!!!!!!!!!2分1機會都中唔到!!!!!!
「咁夜有冇人同你一齊架😥，我驚你隻豬咁蠢😢，比人拐走左都唔知呀」
「豬你個頭😡，我好醒架!😡」
「唔係呀，我認真架，你住大埔，旺角咁多mk仔，補完又咁夜，夜媽媽自己一個，我真係驚你會有危險架」
「放心啦🙈，死蠢🐽，我搵到人同我一齊報啦🙈，mk仔係咪話緊你自己呀?🤔」
搵到人同佢一齊補?係男仔定女仔黎?
算啦，關我咩事..
「咩呀😒，我一啲都唔mk😤」
就係咁，傾下傾下我就落左車..
翻到屋企，沖完涼就已經冇咩精神去睇手機，上到床就即刻訓著左
之後果3日都冇咩特別，一直同angela snapchat傾計，有時我又叫下佢做豬，死蠢，佢有時又叫翻我做驚狗怪咁..
「guy leung點架?😰佢惡唔惡架?😰」5月6號星期二我放學補緊課嘅時候收到angela嘅snapchat
差啲唔記得佢今日第一次上guy leung
「放心啦，佢好似我咁搞笑😎😎😎」我6點鐘snapchat覆佢.
7點 未睇我個msg
我一直等，等到10點半
都係未睇
11點 仲係未睇..
我睇翻佢wts
最後上線時間於6:13 pm
唔好嚇我呀，angela...你有事點算呀
我心急如焚..終於..
「唉..」係angela wts我...11:44pm
到底發生咩事呀? 我好驚好驚..唔係angela真係發生左啲咩事呀?
心入面好驚會冇左angela..諗翻起我同佢呢一年間離離合合..
我坐係我間房入面，吸著冷氣機嚇出黎嘅冷風，借冷風黎冷靜一下我煩亂嘅思緒..
我視角一直停留左係部iphone7到..
呢半年間，我地大部份對話都冇record...但係..但係angela同我講過嘅每一字，每一句我都記得好清楚..
點解?明明我地根本成半年都冇見過面..點解我仲會咁著緊佢?點解?
其實呢個問題嘅答案，我知道左好耐...只係我冇勇氣去面對..
依家angela咁..我都唔可以咁懦弱..
我要佢知道..陳逸希係值得依靠...