那年，我在補習社遇上她..: 第三十三章 親密？

「同學仔，過左一陣就要大考…」又係個垃圾教畜

我最憎嘅就係佢啲語氣，扮到好似對我地好好咁，但係我好撚肯定佢個心一定好撚睇唔起我地..

「鈴鈴鈴」又到放學時間

我地A grade學界過多兩個禮拜就開打，基本上我每次同李sir講話我想跟大隊練波，佢一定唔信我，又話咩要休傷

今次終於可以復操，我著對nike AD就跑左出去球場



開著部手機，我都不忘wts angela同佢講：「唔好嬲啦😝我今日食到好飽先出門架🙈」

唔知佢會覆啲咩呢？

我拎翻粒波，做左啲熱身，希望搵翻少少手感

做完一連串練習之後，大約6點半嘅時候，到左5打5嘅時間。

天色漸漸暗沉，正當李sir話打埋最後一球嘅時候，我先係三分區做一個in and out，再做哈登式嘅euro step，成個move幾靚，上籃果陣，高佬俊諗著block我，佢成個人撞左埋黎，我比佢撞一撞成個跌左係地下。



Crystal咁岩依家先走，佢衝左過黎

「陳逸希你未好翻就唔好學人打波啦」

眼框入面嘅淚水就快湧出黎，佢，好緊張我。

高佬俊拉起左我，拍一拍我，我知道佢係無心

「好啦，今日就黎到呢到，陳逸希你可以走先，其他人留低講幾句」李sir見到我同crystal，陰陰嘴笑著咁講
我頂，我望到crystal紅到面曬…



我拎起我嘅書包，同crystal笑著講:「做咩咁關心我呀」

佢紅著面咁講：「冇..冇呀，鬼得閒關心你呀」

我好清楚知道，佢同仆佳真係分左手…而佢..仲係好中意我..

「點解你咁遲先走嘅」我問

「我VA要做sba呀嘛，晚晚做到2、3點先有得訓」crystal講

我哄埋去佢塊面到

「冇呀，仲係咁得意，一啲黑眼圈都冇」我講



Crystal塊面，唔知係咪我哄得太埋，佢塊面好似比火燒咁紅

「係…係咩」佢怕醜到連野都講唔到

「行啦，我送你翻屋企」我講

「哦..」crystal講

我地一直行，一直都冇講過野

「到啦」我講

「咁..咁快嘅」crystal講

「我走啦，拜拜」我講



佢…佢行過黎錫左我塊面一啖，之後就跑翻入去棟樓到..

我屌，我係咪又比錯signal….
我拎左部ip7出黎，angela又已讀我

明明之前都傾得好地地，點解佢要會藍剔我？究竟佢想點姐，我係佢心目中係咪真係一個任佢隨意玩弄於股掌嘅傀儡？即使之前我地嘅關係進步左幾多都好，點解我仲係覺得我地之間仲係有層打極都打唔破嘅帷幕？

我唔甘心，我唔甘心一直要躲避係呢塊隱形嘅帷幕後面…

個心從來都未試過咁亂..

Crystal突然間嘅舉動
Angela突然間嘅冷淡



我，應該要點做？

之後嘅日子，每朝返學我都會見到有一包牛奶擺左係我櫃桶，上面貼著張memo紙，係crystal寫嘅

其實我真係唔明，係我地級到，起碼有5、6個男仔係中意crystal，但係crystal偏偏就係中意我..

Angela都係同以前一樣，對我忽冷忽熱..
最恐怖係我地仲成日傾曖昧野..

我好肯定我係比人收左兵..

做兵嘅辛酸，有邊個會知…

但係即使有幾辛苦，只要見到佢會會心一笑，就已經足夠..



我係咪好傻？

有時我同angela會用fb傾，有時會用snapchat whatsapp，有時又用ig，基本上用齊曬所有嘅溝通軟件..

踏入6月，所有人都如箭在弦，迎接緊學校大考。但係，我根本專心唔到係學業到..

我一翻開補習筆記，就諗翻起angela..

諗翻起我地傾過嘅野..

「乞嚏」我屌，考緊試先黎病

我影左張必理痛嘅盒post左上sc..我冇直接sd埋比angela..

點知..

「我不願讓你一個人..」

我望一望電話屏幕，係angela打過黎…

「喂，你點呀」佢睇落去好似好心急咁

「冇野呀..未死得」我講

「好好笑咩？點解你成日都唔識得自己照顧自己架？之前打比賽拗柴入院又係咁」angela講

估唔到佢會咁著緊我…

「得啦，我應承你我以後好好照顧自己咁得未呀」我講

「唔理你呀」跟著佢就cut 左我線..

我好似已經揭開左我地之間呢塊帷幕，angela好似對我親密左..